2024 оны 10 дугаар сарын 03-ны өдөр Улаанбаатар хот
1.Нийслэл дэх Төрийн аудитын газар нь “Улс, орон нутгийн төсвийн байгууллагын 2024 оны жилийн эцсийн санхүүгийн тайлангийн аудит”-ыг гүйцэтгэх зорилгоор аудитын хуулийн этгээдийг сонгон шалгаруулж, зөвлөх үйлчилгээний гэрээ байгуулахаар төлөвлөж байгаа тул оролцох хүсэлтэй аудитын хуулийн этгээдийг мэдээллээ ирүүлэхийг урьж байна.
2.Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно. Аудитын хуулийн этгээд нь ажлын Багц-2, Багц-12, Багц-19-т багтсан байгууллагуудын 2024 оны санхүүгийн тайлангийн аудитыг Төсвийн тухай хуулийн 8 дугаар зүйлийн 8.9-д заасан цаглаварт хугацаанд гүйцэтгэнэ.
3.Сонгон шалгаруулалтад оролцох аудитын хуулийн этгээд нь дараах материалыг бүрдүүлэн ирүүлнэ үү. Үүнд:
- Улсын бүртгэлийн гэрчилгээний хуулбар;
- Тусгай зөвшөөрлийн гэрчилгээний хуулбар;
- Татварын тодорхойлолт (цахим);
- Нийгмийн даатгалын тодорхойлолт (цахим);
- ШШГЕГ-ын хугацаа хэтэрсэн өр төлбөргүй талаарх тодорхойлолт;
- Шүүхийн төрөлжсөн архивын тодорхойлолт;
- Гүйцэтгэсэн адил төсөөтэй зөвлөх үйлчилгээний мэдээлэл (сүүлийн 3 жилээр);
- Үндсэн ажилтны анкет, боловсрол, мэргэшлийн гэрчилгээний хуулбар;
- Үндсэн ажилтны нийгмийн даатгалын цахим лавлагаа (сүүлийн 1 жилээр);
- Санхүүгийн тайлан (сүүлийн 2 жилээр).
4.Сонирхсон этгээд нэмэлт мэдээллийг [2024.10.04]-ны өдрөөс [2024.10.10]-ны өдрийн хооронд авч болох бөгөөд материалаа дор дурдсан хаягаар [2024.10.10]-ний 17:30 цагийн дотор цаасаар болон зөөврийн диск-д цахим хэлбэрээр ирүүлнэ үү.
Улаанбаатар-14200, Сүхбаатар дүүрэг, 8-р хороо, Бага тойруу-1, А.Амарын гудамж, Соёлын Төв өргөө Г корпус, 6 давхар 615 тоот, Нийслэл дэх Төрийн аудитын газар
7000-7734, 9908-4383, 9999-1753
