Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд Улсын Их хурлын Төсвийн байнгын хорооны 2023 оны 08 дугаар тогтоол болон Монгол Улсын Ерөнхий аудиторын 2023 оны “Аудитын жилийн төлөвлөгөө батлах тухай” А/162 дугаар тушаалаар баталсны дагуу “Монгол Улсын Засгийн газраас хог хаягдлын талаар баримталж буй үндэсний хөтөлбөрийн хэрэгжилт, үр нөлөө” сэдэвт гүйцэтгэлийн аудитыг эхлүүлж, нээлтийн уулзалтыг 2024 оны 10 дугаар сарын 07-ны өдөр Байгаль орчин, уур амьсгалын өөрчлөлтийн яаманд зохион байгууллаа.
Нээлтийн уулзалтаар Гүйцэтгэл, нийцлийн аудитын газрын захирал, тэргүүлэх аудитор Д.Энхболд аудитын зорилго, зорилтыг танилцуулж, аудитын төлөвлөгөө, анхаарах шаардлагатай асуудлыг танилцуулав.
Тус уулзалтад аудит гүйцэтгэх багийн бүрэлдэхүүн болон Байгаль орчин, уур амьсгалын өөрчлөлтийн яамны холбогдох албан тушаалтнууд оролцлоо.
Аудитын дүн дүгнэлтэд үндэслэн зөвлөмж боловсруулж 2024 оны 12 дугаар сарын 15-ны өдөр УИХ, Засгийн Газар болон холбогдох бусад байгууллагад хүргүүлэхээр төлөвлөсөн юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
