Төрийн аудитын үйл ажиллагааны талаар үнэн зөв, тэнцвэртэй мэдээлэл хүргэх, байгууллагын үйл ажиллагаа, аудитын дүн, дүгнэлтийг иргэд олон нийтэд энгийн ойлгомжтой хэлбэрээр хүргэх, төрийн санхүүгийн удирдлага, төсвийн хяналтад тавих хөндлөнгийн хяналтыг сайжруулахад хэвлэл мэдээллийн байгууллага, сэтгүүлчдийн оролцоог нэмэгдүүлэхээр Үндэсний аудитын газраас “Мэдлэг хуваалцах цаг” сэтгүүлчдийн уулзалтыг тогтмол зохион байгуулж ирсэн.
Энэ удаад Төрийн аудитын байгууллагын харилцагч тал болох хэвлэл мэдээллийн байгууллагуудын сэтгүүлч, нийтлэлчдэд зориулан “Мэдлэг хуваалцах цаг” уулзалт-сургалт хэлбэрээр 2024 оны 11 дүгээр сарын 6-ны өдөр зохион байгууллаа.
Тус сургалт-уулзалтаар Төрийн аудитын үйл ажиллагааны онцлог, Төрийн аудитын байгууллагын ил тод байдал, иргэдийн оролцоо, Аудитын тайланг хялбаршуулж ойлгох арга зүй, Төрийн аудитын байгууллагын хараат бус байдал, Нийслэлийн хэмжээнд хийдэг аудитын талаар мэдээлэл, танилцуулга өгч, сэтгүүлчдийн сонирхсон асуултад хариулт өглөө.
