Төрийн аудитын байгууллагаас 2024 онд дэвшүүлсэн “Аудитын шийдвэрийн хэрэгжилтийг хангахад харилцагч талуудын оролцоог сайжруулах” зорилтын хүрээнд аудитын тайлангийн үр дүнд үндэслэн хүргүүлсэн аудитын шийдвэрийг хэрэгжүүлээгүй, хэрэгжих шатанд байгаа харилцагч байгууллагуудад чиглэсэн “Өглөөний уулзалт” арга хэмжээг 2024.09.30-ны өдөр зохион байгуулж 8 байгууллагын 21 албан хаагч хамрагдсан.
Уулзалтаар бүрэн хэрэгжээгүй хугацаа хэтэрсэн, хэрэгжилт хангалтгүй аудитын шийдвэрийг байгууллага тус бүрээр танилцуулан хэрэгжээгүй шалтгаан тайлбарыг сонсох, харилцан санал солилцох, бүрэн хэрэгжүүлж, хэрэгжилтийг нотлох баримтад үндэслэн ирүүлэх талаар ярилцаж, мэдээлэл чиглэл өгч ажиллалаа.
