mn

ГЭРЭЭГЭЭР АЖИЛЛАХ АУДИТЫН ХУУЛИЙН ЭТГЭЭДИЙГ СОНГОН ШАЛГАРУУЛАХ ЗАР

Урилга хүргүүлэх тухай

Үндэсний аудитын газар нь Төсвийн тухай хуулийн 8 дугаар зүйлийн 8.9.1, 8.9.8 дахь заалт, Төрийн аудитын тухай хуулийн 8 дугаар зүйлийн 8.4, 8.7 дахь хэсэгт заасныг тус тус үндэслэн “Шалгагдагч байгууллагын 2024 оны 12 дугаар сарын 31-ний өдрөөр дуусвар болсон санхүүгийн тайлан, төсвийн гүйцэтгэлд аудит хийх” аудитын хуулийн этгээдийг сонгон шалгаруулах тул оролцох хүсэлтэй аудитын үйлчилгээ үзүүлэх эрх бүхий хуулийн этгээдүүд санал ирүүлэхийг урьж байна.

Энэхүү сонгон шалгаруулах үйл ажиллагаа Төрийн аудитын байгууллагатай гэрээний үндсэн дээр хамтран ажиллах 2 багцад (Багцыг эндээс үзнэ) хамаарна.

Аудитыг гүйцэтгэгч нь дараах шаардлагыг хангасан байна. Yүнд:

  • Аудитын үйлчилгээ үзүүлэх тусгай зөвшөөрөлтэй байх;
  • Аудиторууд нь мэргэжлийн ёс зүйн зөрчилгүй байх;
  • Үйл ажиллагаа явуулах боломжтой ажлын байр, техник хэрэгсэлтэй байх;
  • Аудит гүйцэтгэх багийн гишүүд шалгагдагч этгээдийн аль нэг албан тушаалтантай садан төрөл, бусад байдлаар хамааралгүй байх;
  • Төсөл хэрэгжүүлэх нэгж болон төслийг санхүүжүүлэгч байгууллагын хэрэгцээнд зориулсан аудитын тайланг Монгол болон Англи хэлээр бэлтгэж байсан туршлагатай байх.

Ажиллах хүчний шаардлага:

  • Дөрвөөс доошгүй үндсэн орон тооны, аудиторын батламжтай хугацаагүй эрхтэй мэргэшсэн нягтлан бодогчтой байх;
  • Хууль эрх зүйн асуудал хариуцсан албан тушаалтантай байх ;
  • Аудитын болон өөр байгууллагад мэргэшсэн нягтлан бодогч, аудитороор давхар ажил эрхэлдэггүй, бусад аудитын хуулийн этгээдэд гэрээгээр ажилладаггүй байх;

Сонгон шалгаруулалтын дэлгэрэнгүй жагсаалтад материалаа ирүүлэх аудитын хуулийн этгээд дээр дурдсан шаардлагыг хангасан байх ба дараах материалыг бүрдүүлэн ирүүлэх шаардлагатай. Үүнд:

  1. Албан хүсэлт (багцыг тодорхойлсон);
  2. Улсын бүртгэлийн гэрчилгээний хуулбар;
  3. Тусгай зөвшөөрлийн гэрчилгээний хуулбар;
  4. Татварын тодорхойлолт /өр төлбөргүй байх, цахим сайтаас гаргасан QR кодтой/;
  5. Нийгмийн даатгалын тодорхойлолт /өр төлбөргүй байх, цахим сайтаас гаргасан QR кодтой/;
  6. ШШГЕГ-ын хугацаа хэтэрсэн өр төлбөргүй талаарх тодорхойлолт;
  7. Шүүхийн төрөлжсөн архивын тодорхойлолт;
  8. Монголын мэргэшсэн нягтлан бодогчдын институтээс авсан мэргэжлийн ёс зүйн зөрчилгүй тухай тодорхойлолт;
  9. Гүйцэтгэсэн адил төстэй үйлчилгээний мэдээлэл /2021, 2022, 2023 он/;
  10. Үндсэн ажилтны анкет, боловсрол, мэргэшлийн гэрчилгээний хуулбар;
  11. Үндсэн ажилтны нийгмийн даатгалын лавлагаа /сүүлийн 1 жилээр E-Mongolia цахим сайтаас авсан байх/;
  12. Санхүүгийн тайлан /2022, 2023 он/

Сонгон шалгаруулалтад оролцохыг хүссэн аудитын хуулийн этгээд хүсэлт, дээр дурдсан баримт бичгийг боловсруулж, 2024 оны 11 дүгээр сарын 27-ны өдрийн 17 цаг 30 минутаас өмнө /byambasurenb@audit.gov.mn  info@audit.gov.mn/ хаягаар ирүүлнэ үү. Хүсэлт, баримт бичгийг PDF файлаар нэгтгэн цахимаар /PDF файлыг 15MB-аас ихгүй байх, хэрэв заасан хэмжээнээс илүү гарсан бол файлыг хувааж/ ирүүлнэ.

Ерөнхий шаардлагыг хангасан эсэхийг үнэлсний дараа “Хураангуй жагсаалт”-д бүртгэсэн аудитын хуулийн этгээдэд “Саналын баримт бичиг”-ийг хүргүүлнэ.

 Хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот

Санхүү хөрөнгө оруулалтын хэлтсийн Худалдан авах үйл ажиллагаа хариуцсан шинжээч Б.Бямбасүрэн +976-51-261745, 99641235

 

 

Аудитын тайлан

Их уншсан