Үндэсний аудитын газар нь “Улсын төсвийн 2024 оны хөрөнгө оруулалтын төлөвлөгөөний хэрэгжилт”-д хийх гүйцэтгэлийн, “Улсын төсвийн хөрөнгөөр өмнөх онуудад ажил нь эхэлсэн боловч төсөвт өртөг нэмэгдэж байгаа барилга байгууламжийн төсөвт аудитын дүгнэлт гаргах” нийцлийн аудитын хүрээнд улсын төсвийн хөрөнгө оруулалтаар баригдаж байгаа зарим барилга байгууламжийн төсөвт өртөг нь Монгол Улсын хууль тогтоомж, барилга, байгууламжийн норм, дүрэм, стандартын шаардлагад нийцэж байгаа эсэхийг нягтлан шалгаж, шинжээчийн дүгнэлт гаргах хувь хүн, баг, хуулийн этгээдийг санал ирүүлэхийг урьж байна.

Шинжээч нь аудитын багтай хамтран улсын төсвийн хөрөнгө оруулалтаар хэрэгжиж байгаа, төсөвт өртгийн нэмэгдэл зардалд дүгнэлт гаргах жагсаалтад багтсан барилга байгууламжийн ажлын төсөвт өртөг, нэмэгдэл зардалд давтан тооцоолол, дүн шинжилгээ хийх ажлыг хэрэгжүүлнэ.

Ажлын даалгаврыг эндээс үзнэ үү.

Шинжээч нь баг, хуулийн этгээд, иргэн байж болох ба дараах шаардлагыг хангасан байна. Үүнд:

Хуулийн этгээд нь дүгнэлт гаргахаар санал ирүүлсэн барилга байгууламжийн чиглэлээр зураг төсөл боловсруулах тусгай зөвшөөрөл бүхий байх ба үндсэн ажилтны бүрэлдэхүүнд тэргүүлэх төсөвчин болон тухайн чиглэлийн инженерүүд байна.

Багаар гүйцэтгэх тохиолдолд багийн ахлагч нь тэргүүлэх төсөвчин, багийн гишүүд мэргэшсэн төсөвчин байна. Баг нь 5 гишүүнтэй, барилгын инженер-1, цахилгааны инженер-1, халаалт агаар сэлгэлтийн инженер-1, ус хангамж ариутгах татуургын инженер-1, холбоо дохиоллын инженер-1, багийн ахлагч мэргэжлээрээ 5-аас дээш жил, гишүүд 3-аас дээш жилийн ажлын туршлагатай байна.

Хувь хүн нь барилга, цахилгаан, авто зам, халаалт, агаар сэлгэлт, ус хангамж, ариутгах татуурга, холбооны аль нэг чиглэлийн инженер бөгөөд тэргүүлэх төсөвчин, мэргэжлээрээ 5-аас дээш жил ажилласан туршлагатай байна.

Бүрдүүлэх материал:

Хуулийн этгээд:

• Багцыг тодорхойлсон албан бичиг
• Улсын бүртгэлийн гэрчилгээний хуулбар;
• Тусгай зөвшөөрлийн гэрчилгээний хуулбар;
• Татварын тодорхойлолт /өр төлбөргүй байх, цахим сайтаас гаргасан QR кодтой/;
• Нийгмийн даатгалын тодорхойлолт /өр төлбөргүй байх, цахим сайтаас гаргасан QR кодтой/;
• ШШГЕГ-ын хугацаа хэтэрсэн өр төлбөргүй талаарх тодорхойлолт;
• Шүүхийн төрөлжсөн архивын тодорхойлолт;
• Гүйцэтгэсэн адил төстэй үйлчилгээний мэдээлэл /2021, 2022, 2023 он/;
• Үндсэн ажилтны анкет, боловсрол, мэргэшлийн гэрчилгээний хуулбар;
• Үндсэн ажилтны нийгмийн даатгалын лавлагаа /сүүлийн 1 жилээр E-Mongolia цахим сайтаас авсан байх/;
• Санхүүгийн тайлан /2022, 2023 он/

Баг, хувь хүн:

• Багцыг тодорхойлсон албан бичиг
• Шинжээчийн анкет /CV/;
• Иргэний үнэмлэхийн хуулбар;
• Боловсролын зэргийн диплом;
• Мэргэшлийн гэрчилгээ, үнэмлэх, сертификатын хуулбар;
• Гүйцэтгэсэн ижил төстэй зөвлөх үйлчилгээний мэдээлэл /багийн гишүүн тус бүрээр, сүүлийн 3 жилээр/;
• Багаар ажиллах тохиолдолд багийн гишүүдийн хамтран ажиллах гэрээг нотариатаар баталгаажуулсан байх

Сонирхож буй этгээд нь дээрхээс гадна Саналын баримт бичгийн дагуу материалаа бэлтгэн 2024 оны 12 дугаар сарын 16-ны өдрийн 17 цаг 30 минутаас өмнө  /byambasurenb@audit.gov.mn  info@audit.gov.mn/ хаягаар ирүүлнэ үү. Хүсэлт, баримт бичгийг PDF файлаар нэгтгэн цахимаар /PDF файлыг 15MB-аас ихгүй байх, хэрэв заасан хэмжээнээс илүү гарсан бол файлыг хувааж/ ирүүлнэ.

Хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот

Санхүү хөрөнгө оруулалтын хэлтсийн Худалдан авах үйл ажиллагаа хариуцсан шинжээч Б.Бямбасүрэн +976-51-261745, 99641235

ХУУЛИЙН ЭТГЭЭД СОНГОН ШАЛГАРУУЛАХ ЗАРЛАЛ

4 жил ago by Khentii Khentii 7 min read No comments

                   …