Аймаг, нийслэл дэх Төрийн аудитын газрын удирдах ажилтнуудыг нэгдсэн арга зүйгээр хангах, манлайллыг нэмэгдүүлэхэд анхаарч 2024 оны 12 дугаар сарын 25-26-ны өдрүүдэд сургалт зохион байгуулж байна.
Тус сургалтаар Үндэсний аудитын газрын удирдлагуудаас “Төрийн аудитын байгууллагын стратегийн чиглэл, мэдээллийн технологийн тухай”, “Аймаг, нийслэл дэх Төрийн аудитын газруудын гүйцэтгэсэн аудитад чанарын баталгаажуулалтын хүрээнд анхаарах асуудал, зөвлөмж”, “Аймаг, нийслэл дэх Төрийн аудитын газруудын үйл ажиллагаанд дотоод аудитаар илэрсэн асуудал, зөвлөмж”, “Аудитын шийдвэр гаргахад хууль хэрэглээний асуудал” зэрэг сэдвээр танилцуулга, мэдээлэл өглөө.
Мөн “Ажлын байрны зөөлөн ур чадвар, сэтгэл хөдлөлөө удирдах нь”, “Шинэ цагийн удирдлагуудын эзэмшсэн байх шилдэг 10 ур чадвар”,”Байгууллагын соёл ба түүнийг оновчтой удирдах нь”, “Төрийн албан хаагчийн ёс зүй, удирдах албан тушаалтны манлайлал” зэрэг сэдвээр сургалтад оролцогчдод мэдээлэл өгөх юм.
