Төрийн аудитын байгууллагын үе үеийн албан хаагчид, хамтран ажилладаг иргэд, олон нийт, төрийн байгууллага хамт олон Та бүхэнд шинэ жилийн, шинэ оны баярын мэндийг өргөн дэвшүүлье.
Төрийн аудитын байгууллагын хамт олон 2024 онд “Аудитын шийдвэрийн хэрэгжилтийн хангахад харилцагч талуудын оролцоог сайжруулах” зорилт дэвшүүлэн ажиллаж, “Төрийн байгууллагын хүний нөөцийн бодлого, тогтолцооны үр нөлөө”, “Оюутолгой төсөлд оруулсан хөрөнгө оруулалт, санхүүжилтийн зарцуулалт, үр нөлөө” , Газрын тосны салбарт бүтээгдэхүүн хуваах гэрээгээр хайгуулын болон олборлолтын үйл ажиллагаа явуулсан гэрээлэгчдийн нийт хөрөнгө оруулалт, өртөг нөхөгдсөн болон нөхөгдөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх аудит, Нийгмийн даатгалын тогтолцоо, түүний үр нөлөө”, “Хүүхэд хамгааллын талаар төрөөс баримталж буй бодлого түүний хэрэгжилт, үр дүн”, “Улсын төсвийн хөрөнгөөр санхүүжүүлсэн геологийн судалгааны ажлын хэрэгжилт, үр дүн”, “Монгол Улсын Засгийн газраас хог хаягдлын талаар баримталж буй үндэсний хөтөлбөрийн хэрэгжилт, үр нөлөө” зэрэг аудитыг гүйцэтгэж, тайланг Улсын Их Хурал, холбогдох бусад байгууллагуудад хүргүүлэн ажиллалаа.
Төрийн аудитын байгууллагын 2019-2024 оны стратегийг амжилттай хэрэгжүүлэн цаашдын стратеги зорилтоо тодорхойлж, 2025 онд “Чадамжид суурилсан хүний нөөцийн бодлого төлөвшүүлэх” зорилт дэвшүүллээ.
Монгол Улсын Их Хурал, Засгийн газар, төрийн байгууллагууд, иргэд, хэвлэл мэдээлэл, иргэний нийгмийн байгууллага, Нэгдсэн үндэсний байгууллага, Европын холбоо, Азийн хөгжлийн банк, Аудитын дээд байгууллагуудын Олон улсын байгууллага (INTOSAI), Аудитын дээд байгууллагын Азийн байгууллага (ASOSAI), Хөгжлийн санаачилга (IDI), Оросын Холбооны Улсын тооцооны танхим, Бүгд Найрамдах Хятад Ард Улсын Үндэсний аудитын газрын хамт олон Та бүхэнд төрийн аудитын үйл хэргийг дэмжин хамтран ажиллаж байгаад талархал илэрхийлье.
Төрийн аудитын байгууллага хуулийн хүрээнд Улсын Их Хурлын хяналтын чиг үүргийг хэрэгжүүлэхэд дэмжлэг үзүүлж, эх орон ард түмний эрх ашгийн төлөө Засгийн газрын хүлээх хариуцлага, үйл ажиллагааны үр ашиг, үр нөлөөг дээшлүүлэхэд туслах, төрийн санхүү, төсвийн хяналтыг хэрэгжүүлэх хариуцлагатай чиг үүргээ биелүүлэхдээ төрийн бүх шатны байгууллагын санхүүгийн сахилга батыг сайжруулж, үрэлгэн байдлыг хязгаарлах, улс орны төсөв, эдийн засгийн нөхцөл байдлыг дүгнэх ажлаа хариуцлагатайгаар хэрэгжүүлнэ.
Та бүхэнд айлчлан ирж буй шинэ ондоо эрүүл энх, амжилт бүтээл, аз хиймориор дүүрэн байхын ерөөл өргөе.
Төрийн аудитын хараа хурц, мэлмий тунгалаг байх болтугай!
МОНГОЛ УЛСЫН ЕРӨНХИЙ АУДИТОР
ДЭЛЭГИЙН ЗАГДЖАВ
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
