Төрийн аудитын тухай хуулийн 11 дүгээр зүйлийн 11.1, 11.5 дахь зүйл, мөн хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд Хөгжлийн бодлого төлөвлөлт, түүний удирдлагын тухай хуулийн 9 дүгээр зүйлийн 9.8.1, 9.8.2-т заасан чиг үүрэг, Улсын Их Хурлын Төсвийн байнгын хорооны 2024 оны 05 дугаар тогтоолыг тус тус үндэслэн Монгол Улсыг 2021-2025 онд хөгжүүлэх таван жилийн үндсэн чиглэлийн хэрэгжилтэд хийх гүйцэтгэлийн аудитын нээлтийн уулзалтыг 2025 оны 1 дүгээр сарын 6-ны өдөр зохион байгууллаа.
Аудитын нээлтийн уулзалтыг Үндэсний аудитын газрын Гүйцэтгэл, нийцлийн аудитын газрын захирал, тэргүүлэх аудитор Д.Энхболд эхлүүлж, аудитын төлөвлөгөө болон аудитын явцад анхаарах шаардлагатай асуудлуудыг танилцуулав.
Тус аудитад хамрагдах Монгол Улсыг 2021-2025 онд хөгжүүлэх таван жилийн үндсэн чиглэлийг хэрэгжүүлж буй Төсвийн ерөнхийлөн захирагч болон тэдгээрийн харьяа байгууллага, холбогдох бусад байгууллагын албан тушаалтнууд нээлтийн уулзалтад оролцож, аудитын төлөвлөгөөг хүлээн авлаа.
Монгол Улсыг 2021-2025 онд хөгжүүлэх таван жилийн үндсэн чиглэл болон хөрөнгө оруулалтын хөтөлбөрийг хуульд заасан шаардлагын дагуу боловсруулсан эсэх, жил жилийн улсын хөгжлийн төлөвлөгөө, Төсвийн тухай хууль нь үндсэн чиглэл, хөтөлбөрийг хэрэгжүүлэхэд чиглэсэн эсэх, хэрэгжилтийг бодитой үнэлж, гарсан үр нөлөөг тооцож зохих арга хэмжээ авсан эсэхийг тодорхойлоход аудитын зорилго чиглэж байгаа юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
