Монгол Улсын Ерөнхий аудиторын 2024 оны 12 дугаар сарын 18-ны өдрийн А/104 дүгээр тушаалаар байгуулсан Ёс зүйн дэд хороо Төрийн албаны төв байгууллагын дэргэд байгуулагдсан Монгол Улсын Ёс зүйн хорооны гишүүдтэй албан ёсны уулзалт 2025.01.09-ний өдөр зохион байгууллаа.
Тус уулзалт нь ТАБ-ын Ёс зүйн дэд хорооны 2025 оны үйл ажиллагааны төлөвлөгөөг боловсруулж батлахын өмнөхөн болсноороо цаг үеэ олсон, үр дүнтэй уулзалт боллоо.
Өмнө нь ажиллаж байсан Ёс зүйн зөвлөлийн хийсэн ажлыг Үндэсний аудитын газрын Тамгын дарга, тэргүүлэх аудитор Б.Бундхорол Ёс зүйн хорооны гишүүдэд танилцуулав.
Уулзалтаар Монгол Улсын Их хурлын 2024 оны 27 дугаар тогтоолоор баталсан “Төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх үндэсний хөтөлбөр”-ийг хэрэгжүүлж ажиллахад ТАБ-ын Ёс зүйн дэд хороо манлайлал үзүүлж ажиллахыг Ёс зүйн хорооны зүгээс хүсэж, Төрийн албан хаагчийн ёс зүйн тухай хуулийг хэрхэн ойлгож мөрдөж ажиллах талаар ойлголт мэдлэг өгч, төрийн албан хаагчийн ёс зүйн төлөв байдлын судалгаа, эрсдэлийн үнэлгээ, ёс зүйн мэдүүлэг хөтлөх зэрэг томоохон арга хэмжээнүүдийг хэрэгжүүлж ажиллахыг онцлов.
Түүнчлэн төрийн албан хаагчийн ёс зүйн нийтлэг хэм хэмжээг сахиулахын тулд ёс зүйн зөрчлөөс урьдчилан сэргийлэх, соён гэгээрүүлэх чиглэлээр түлхүү ажил зохион байгуулж ажиллах, мэргэжлийн ёс зүй, байгууллагын дотоод зөв, хандлага, соёлыг бий болгож төлөвшүүлэхэд онцгойлон анхаарал хандуулж ажиллахыг ТАБ-ын Ёс зүйн дэд хорооны гишүүдэд зөвлөлөө.
Уулзалтын үеэр Ёс зүйн дэд хорооны дарга Ц.Наранчимэг Ёс зүйн дэд хорооны гишүүдийг чадавхжуулах, сургалтад хамруулах, сургагч багш болгох тал дээр дэмжлэг үзүүлэх, ТАБ-ын нийт албан хаагчдад ёс зүйн хууль тогтоомж, дүрэм журмын талаар сургалт зохион байгуулж өгөх хүсэлтийг Ёс зүйн хороонд уламжлав.
ТАБ-ын Ёс зүйн дэд хороо Монгол Улсын Ёс зүйн хороотой цаашид хамтран ажиллах чиглэлээ тогтоон, харилцан санал солилцож, тэргүүн туршлагаа хуваалцсан үр нөлөөтэй уулзалт боллоо.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
