Говьсүмбэр аймаг дахь Төрийн аудитын газраас Төсвийн захирагчдын 2024 оны жилийн эцсийн санхүүгийн тайланд хийх санхүүгийн тайлангийн аудитын нээлтийг 2025.01.21-ний өдөр зохион байгууллаа.
Аудитын нээлтийн үйл ажиллагаанд аудитыг гэрээгээр гүйцэтгэж буй “Платиниум прогресс аудит” ХХК болон аймгийн төвийн төсвийн захирагчид танхимаар, “Баталгаат тооцоолол аудит” ХХК болон сумдын төсвийн захирагчид цахимаар оролцсон ба нийт 78 байгууллагын 120 албан хаагч нээлтийн үйл ажиллагаанд хамрагдлаа.
Аудитын нээлтэд Төрийн аудитын байгууллагаас 2024-2025 онд гүйцэтгэх санхүүгийн тайлангийн аудитад баримтлах ерөнхий чиглэл, санхүүгийн тайлангийн аудитын танилцуулга, талуудын үүрэг хариуцлага, 2024 оны завсрын аудитаар илэрсэн асуудал, санхүүгийн тайлангийн аудитад анхаарах асуудал, шалгагдагч байгууллагууд FAS.audit.mn системд төлөвлөгөө болон аудитын шийдвэрийн хэрэгжилтийг хэрхэн оруулах талаар танилцууллаа.
Аудитын нээлтэд аймаг, сумдын Засаг дарга нар биечлэн оролцож, төсвийн ерөнхийлөн захирагч бөгөөд аймгийн Засаг дарга Т.Бат-Эрдэнэ төсөв захирагч нарт хандаж төсөв санхүүгийн сахилга хариуцлагыг сайжруулж ажиллах талаар чиглэл өглөө.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
