Төрийн аудитын тухай хуулийн 6 дугаар зүйлийн 6.3.1, 29 дүгээр зүйлийн 29.1.10-т заасан бүрэн эрхийн хүрээнд, Монгол Улсын Их Хурлын Төсвийн байнгын хорооны 2024 оны 12 дугаар сарын 01-ний өдрийн “Аудитын сэдэв батлах тухай” 05 дугаар тогтоол, Монгол Улсын Ерөнхий аудиторын 2024 оны 12 дугаар сарын 25-ны өдрийн “Аудитын жилийн төлөвлөгөө батлах тухай” А/108 дугаар тушаал, Нийслэл дэх Төрийн аудитын газрын “2025 оны гүйцэтгэлийн төлөвлөгөө”-нд тус тус үндэслэн “Төрийн хэмнэлтийн тухай хуулийн хэрэгжилт, үр дүн” сэдэвт нийцлийн аудитын нээлтийг 2025 оны 02 дугаар сарын 26-ны өдөр зохион байгууллаа.
Нийслэл дэх Төрийн аудитын газрын дэд дарга Ч.Болд аудитын зорилт, хамрах хүрээ, төлөвлөгөө, хөтөлбөр, Эрсдэлийн удирдлагын хэлтсийн дарга Б.Золбаяр аудитын явцад анхаарах асуудлуудыг танилцуулж, аудитын нээлтэд нийслэл, дүүргийн Иргэдийн Төлөөлөгчдийн хурал, Засаг Даргын Тамгын газар болон төрийн болон төрийн өмчит хуулийн этгээдийн төлөөллүүд оролцлоо.
Тус аудитаар Төрийн хэмнэлтийн тухай хуулийг бүрэн хэрэгжүүлж ажилласан эсэх, Засгийн газар болон төрийн байгууллагаас нийслэлд авч хэрэгжүүлсэн арга хэмжээ үр дүнтэй байсан эсэхийг үзэж, шалгахад аудитын зорилго чиглэгдэх юм.
ЭРСДЭЛИЙН УДИРДЛАГЫН ХЭЛТЭС
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
