Монгол Улсын Ерөнхий аудиторын орлогч О.Тэнгис 2020 оны 9 дүгээр сарын 3-ны өдөр АНУ-аас Монгол Улсад суугаа Элчин сайдын яамны Нэгдүгээр нарийн бичгийн дарга бөгөөд Эдийн засаг, Худалдааны албаны дарга Бэнжамин А.Ле Ройг хүлээн авч уулзав.
Ноён Бэнжамин А.Ле Рой Монгол Улсын Төрийн аудитын байгууллагын үйл ажиллагаа болон Монгол Улсын банк санхүүгийн салбарын өнөөг байдлын талаар санал солилцож, эцэст нь хамтран ажиллах санал тавьсан юм.
АНУ-ын Элчин сайдын яам нь Үндэсний аудитын газартай нягт хамтран ажиллахаас гадна АНУ-ын Төрийн хариуцлагын газартай харилцааг хөгжүүлэхэд дэмжлэг үзүүлж, хамтын ажиллагааны тогтвортой байдлыг хангахад анхаарахаа илэрхийллээ.
МУЕА-ын орлогч О.Тэнгис “Монгол Улсын Төрийн аудитын байгууллага АНУ-ын Засгийн газрын Тооцооны газартай хамтран ажиллахад хэзээд нээлттэй бөгөөд АНУ-аас туршлага судлах таатай боломжтой болсонд баяртай байна” гэв.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
