ТӨСВИЙН ШУУД ЗАХИРАГЧ, ТӨР, ОРОН НУТГИЙН ӨМЧИТ АЖ АХУЙН НЭГЖИЙН САНХҮҮГИЙН ТАЙЛАН БОЛОН ТӨСВИЙН ТӨВЛӨРҮҮЛЭН ЗАХИРАГЧДЫН 2018 ОНЫ САНХҮҮГИЙН НЭГТГЭСЭН ТАЙЛАНД АУДИТ ХИЙЖ БАТАЛГААЖУУЛЛАА
Төрийн аудитын тухай хуулийн 15 дугаар зүйлийн 15.2, 18 дугаар зүйлийн 18.5, Төсвийн тухай хуулийн 8 дугаар зүйлийн 8.9.1, 8.9.3, 8.9.8 дахь заалт, Монгол улсын Ерөнхий аудиторын 2018 оны A/156, НТАГ-ын газрын дарга, тэргүүлэх аудиторын 2018 оны А/51 дугаар тушаалуудыг үндэслэн нийслэл, дүүргийн улс, орон нутгийн төсвийн нийт 183 байгууллага, 57 төрийн болон орон нутгийн өмчит аж ахуйн нэгжийн санхүүгийн тайлан болон 9 дүүргийн төсвийн төвлөрүүлэн захирагчийн санхүүгийн нэгтгэсэн тайланд баталгаажуулах аудит хийлээ. Үүнээс, НТАГ 122 байгууллага, 9 дүүргийн санхүүгийн нэгтгэсэн тайланд, хараат бус аудитын 29 компани гэрээний дагуу 118 байгууллагын санхүүгийн тайланд аудит хийлээ.
Энэ жилийн санхүүгийн тайлангийн аудитын дүнгээр улс, орон нутгийн төсвийн 183 байгууллагаас 139 байгууллага “Зөрчилгүй санал дүгнэлт”, 42 байгууллага “Хязгаарлалттай санал дүгнэлт”, 2 байгууллага “Сөрөг санал дүгнэлт” авсан.
Төрийн өмчит 2, орон нутгийн өмчит 55, нийт 57 аж ахуйн нэгжээс 47 аж ахуйн нэгжийн санхүүгийн тайланд “Зөрчилгүй санал дүгнэлт”, 10 аж ахуйн нэгжийн санхүүгийн тайланд “Хязгаарлалттай санал дүгнэлт” өглөө.
Нийслэлийн 9 дүүргийн төсвийн төвлөрүүлэн захирагчаас 6 дүүргийн санхүүгийн нэгтгэсэн тайланд “зөрчилгүй санал дүгнэлт”, 3 дүүргийн санхүүгийн нэгтгэсэн тайланд “Хязгаарлалттай санал дүгнэлт” өгсөн.
НТАГ нь санхүүгийн тайлангийн аудитаар илэрсэн алдаа, зөрчлийг арилгуулж, төлбөрийн акт, албан шаардлага, зөвлөмжийг хэрэгжилтийг хянаж, үр дүнг 2019 оны 4 дүгээр улиралд багтаан гаргах юм.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
