ГАЗАР ОЛГОЛТТОЙ ХОЛБООТОЙ СОНСОХ АЖИЛЛАГАА ЗОХИОН БАЙГУУЛАХ ТУХАЙ
Нийслэл дэх Төрийн аудитын газраас “Нийслэл, дүүргийн хэмжээнд газар зохион байгуулалт, олголт, төлбөр хураамжийн байдал, түүний үр дүн”-д гүйцэтгэлийн аудит хийлээ.
Нийслэл, дүүргийн газрын албад Газрын тухай хуулийн 33.1.2 дахь заалтыг зөрчиж, иргэн, аж ахуйн нэгжид газар олгох ажлыг зохион байгуулахдаа газрын дуудлага худалдаа зохион байгуулаагүй, дуудлага худалдааны үнэ төлүүлээгүй олгосон зөрчил нийтлэг байна.
Иймд газрын дуудлага худалдааны үнийг төлөлгүйгээр газар эзэмших эрх олгогдож, газар дээрээ үйл ажиллагаа явуулж байгаа 385 иргэн, аж ахуйн нэгжээр дуудлага худалдааны анхны үнэ төлүүлэх, газар дээрээ үйл ажиллагаа явуулаагүй 404 иргэн, аж ахуйн нэгжийн эрхийг цуцлах талаар албан шаардлагыг НТАГ-аас нийслэл, дүүргийн газар зохион байгуулалтын албадад хүргэхээр бэлтгэж байна.
Иймд хууль ёсны эрх ашиг нь хөндөгдөж болзошгүй иргэн, ААН-үүд Захиргааны ерөнхий хуулийн 26.1-д заасан тайлбар, саналаа 23.4.5-д заасны дагуу цахим хэлбэрээр ирүүлнэ үү. Цахим хаяг: ub@audit.gov.mn
- Газрын дуудлага худалдааны анхны үнэ төлүүлэх иргэн, аж ахуйн нэгжийн жагсаалт
- Газар эзэмших эрхийг нь цуцлуулах иргэн, аж ахуйн нэгжийн жагсаалт
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
