Говь-Алтай аймаг дахь Төрийн аудитын газрын 2019 оны бүтээгдэхүүн, ажил үйлчилгээний төлөвлөгөөг үндэслэн, Төрийн аудитын тухай хуулиар тодорхойлсон төрийн аудитын төрөлжсөн болон орон нутаг дахь салбар байгууллагын бүрэн эрхийн хүрээнд “Алтай хотын нийтийн тээврийн үйлчилгээ, хог хаягдлын үйлчилгээний чанар, хураамжийн төвлөрүүлэлт”-д хийх гүйцэтгэлийн аудитын нээлтийг хийлээ. Аудитын нээлтэд Есөнбулаг сумын засаг дарга Ш.Дагва болон сумын ЗДТГ-ын санхүүгийн албаны дарга, Алтай хотын захирагчийн ажлын албаны мэргэжилтэн нар оролцлоо.
Тус аудитаар Алтай хотын нийтийн тээврийн үйлчилгээ, хог хаягдлын үйлчилгээний чанар, хураамжийн төвлөрүүлэлтэд аудит хийж, дүнг танилцуулахад чиглэгдэх бөгөөд дараах дэд бүлгийн хүрээнд авч үзэхээр төлөвлөгөө хөтөлбөрийг холбогдох албан тушаалтан нарт танилцууллаа.
- Тус үйл ажиллагаанд баримталж буй эрх зүйн актууд хууль тогтоомжид нийцсэн эсэх
- Нийтийн тээвэр, хог хаягдлын үйлчилгээ түүний хураамжийн төвлөрүүлэлт үр дүнтэй хэрэгжиж байгаа эсэх
- Хяналт хангалттай, үр нөлөөтэй ажиллаж байгаа эсэх
Мөн аудитад Говь-Алтай аймаг дахь Төрийн аудитын газрын дэргэдэх Иргэдийн бүлэг нь иргэдээс мэдээлэл цуглуулах, судалгаа хийх зэргээр тус аудитад хамтран оролцох юм.
Говь-Алтай аймаг дахь Төрийн аудитын газар
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
