Төрийн аудитын байгууллагын бүрэн эрхийн хүрээнд Монгол Улсын 2021 оны төсвийн төсөлд орлого нэмэгдүүлэх, зардал бууруулах, төсвийн санхүүжилтийн үр ашгийг дээшлүүлэх дүгнэлт гаргах ажлын хүрээнд эрдэмтэн, судлаачидтай санал солилцох уулзалтыг 2020 оны есдүгээр сарын 23-ны өдөр зохион байгууллаа.
Уулзалтад Н.ЭНХБАЯР, Б.ДӨЛГӨӨН, Д.СУВДАА, Ж.ДЭЛГЭРСАЙХАН, Г.ЭНХБАЯР, Ц.ДОЛООНЖИН нарын 6 эрдэмтэн, судлаачид оролцсон бөгөөд улс орны эдийн засгийн нөхцөл байдал, төсвийн төсөл боловсруулах, тавигдах зарчим, шаардлага, хуулийн хэрэгжилт, төлөвлөлтөд анхаарах асуудал, ирэх оны төсөвт гарч болох хүндрэлийн талаар санал солилцсон юм.
Монгол Улсын Ерөнхий аудиторын орлогч О.Тэнгис уулзалтын үеэр Үндэсний аудитын газрын урилгыг хүлээн авч ирсэн эрдэмтэн, судлаачдад талархсанаа илэрхийлж, цаашид хамтран ажиллахдаа таатай байна гэдгийг онцоллоо.
