АЙМАГ, СУМЫН ИРГЭДИЙН ТӨЛӨӨЛӨГЧДИЙН ХУРЛЫН 2020 ОНЫ ЭЭЛЖИТ СОНГУУЛЬД ОРОЛЦСОН НАМ, ЭВСЭЛ БОЛОН НЭР ДЭВШИГЧ НАРТ ЧИГЛЭЛ, ЗӨВЛӨМЖ ХҮРГҮҮЛЭХ ТУХАЙ

Сонгуульд оролцсон нам, эвсэл, нэр дэвшигчдийн зүгээс:

Аймаг, Нийслэл, Сум, Дүүргийн иргэдийн Төлөөлөгчдийн Хурлын сонгуулийн тухай хуулийн 56 дугаар зүйлийн 56.3 “Нам, эвсэл нь санал авах өдрөөс хойш 45 хоногт, нэр дэвшигч санал авах өдрөөс хойш 30 хоногт багтаан зардлын тайландаа хувийн аудитын хуулийн этгээдээр дүгнэлт гаргуулан, төрийн аудитын орон нутаг дахь салбар байгууллагад хүргүүлнэ”-д заасны дагуу ирүүлнэ үү. Мөн хуулийн 56.4, 56.5-т заасан шаардлагыг биелүүлэн ажиллах талаар чиглэл зөвлөмж хүргүүлж байна.

Сонгуулийн зардлын тайланг ирүүлэхдээ дараахь баримт материалын хамтаар ирүүлнэ үү. Үүнд:

Сонгуулийн зардлын дансны хуулга;
Сонгуулийн зардлын тайланд тусгасан орлого, зарлагыг нотлох анхан шатны баримт;
Байгуулсан гэрээ, хэлцлийн хуулбар;
Нэр дэвшигч мөнгөн бус хандив авсан бол хандивын гэрээний хуулбар, хандивын гэрээний үнэлгээг тодорхойлсон нотлох баримт
Сонгуулийн зардлын тайлан гаргах хавсралт маягт (1-9)-ын дагуу гаргасан тайлан

Төрийн аудитын байгууллагын зүгээс:

Аймаг, Нийслэл, Сум, Дүүргийн иргэдийн Төлөөлөгчдийн Хурлын сонгуулийн тухай хуулийн 57 дугаар зүйлийн 57.1 “Төрийн аудитын орон нутаг дахь салбар байгууллага зардлын тайланг хүлээн авсан өдрөөс хойш 60 хоногийн дотор хянаж, дүнг нийтэд мэдээлэх бөгөөд нэг сая ба түүнээс дээш төгрөгийн хандив өгсөн иргэн, хоёр сая ба түүнээс дээш төгрөгийн хандив өгсөн хуулийн этгээдийг нийтэд мэдээлнэ”-д заасны дагуу олон нийтэд мэдээллэх үүргийг хүлээнэ.

Зардлын тайлан гаргах, хянуулах, нийтэд мэдээлэхтэй холбоотой сонгуулийн хууль, тогтоомж зөрчсөн тохиолдолд Зөрчлийн тухай хуулийн дагуу хариуцлага /мөнгөн торгуулийн/ хүлээх зохицуулалттай болохыг анхаарна уу.

Лавлах зүйл гарвал Өвөрхангай аймаг дахь Төрийн аудитын газрын 70323108, 70323833 утсаар холбогдоно уу.

Холбогдох баримтуудыг энд дарж үзнэ үү.