|
Архангай аймаг дахь төрийн аудитын газар нь Төрийн аудитын тухай хуулийн 6 дугаар зүйлийн 6.3.3-д заасан бүрэн эрхийн хүрээнд 2020 оны гүйцэтгэлийн төлөвлөгөөний дагуу “Цөм сүргийн үржлийн төв” ОНӨААТҮГ-ын 2019 оны санхүүгийн тайлан дахь өмч хөрөнгийн хадгалалт, хамгаалалт, “Архангайд үйлдвэрлэв” ОНӨААТҮГ-ын 2019 оны санхүүгийн үйл ажиллагаанд эрсдэлийн аудитыг тус тус хийж гүйцэтгэлээ.
Аудитыг дараах дэд зорилтын хүрээнд хийлээ. Үүнд:
1. “Цөм сүргийн үржлийн төв” ОНӨААТҮГ-ын хувьд
– Биологийн хөрөнгөнд бүртгэлээр тавих хяналт үр дүнтэй байгаа эсэх
– Үржлийн мал захиалгаар нийлүүлэх, түрээслүүлэх болон бусад гэрээг хууль тогтоомжид заасны дагуу байгуулж, гэрээний үүргийн биелэлт бүрэн хангагдсан эсэх
2. “Архангайд үйлдвэрлэв” ОНӨААТҮГ-ын хувьд
– ОНӨААТҮГазар нь 2019 оны бизнес төлөвлөгөөний дагуу үр өгөөж үр дүн бий болгож, ашигтай ажилласан эсэх
– Нягтлан бодох бүртгэл, тайлагнал, өмч хөрөнгийн хадгалалт хамгаалалт зарцуулалт нь холбогдох хууль, дүрэм стандартын дагуу хөтлөгдсөн эсэх
Аудитаар холбогдох хууль тогтоомжийг зөрчсөнтэй холбоотой нийт 146.0 сая төгрөгийн алдаа зөрчил илэрч, 5.6 сая төгрөгийн алдааг бүртгэл тайланд залруулж, 21.9 сая төгрөгт төлбөрийн акт тогтоон, 37.4 сая төгрөгийн зөрчилд зөрчлийг арилгуулах албан шаардлага, 81.1 сая төгрөгийн зөрчилд 12 заалт бүхий зөвлөмжийг холбогдох байгууллага, албан тушаалтанд тус тус хүргүүллээ.
|
|
|
Tags: Архангай аймаг
