2021 оны 03 дугаар сарын 19-ний өдөр Улаанбаатар хот
Үндэсний Аудитын газар нь “Оюу толгой төсөлд оруулсан хөрөнгө оруулалт, санхүүжилтийн зарцуулалт, үр нөлөө” сэдэвт гүйцэтгэлийн аудитаар геологи уул, уурхайн хөрөнгө оруулалт, санхүүжилтийн эх үүсвэр тэдгээрийн зарцуулалт, үр нөлөөг нягтлан шалгах зэрэгт дүгнэлт гаргах зорилгоор уул, уурхайн шинжээчийг сонгон шалгаруулах гэж байна.
Иймд геологи, уул уурхай шинжээчээр зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдүүлгээ ирүүлэхийг урьж байна.
Энэхүү үйл ажиллагаа нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 3 дугаар зүйлийн 3.11.Төрийн аудитын тухай хуульд заасан аудитад шинжээч оролцуулж, зөвлөх үйлчилгээ авах харилцааг энэ хуулиар зохицуулахгүй гэсэн заалт болон Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.
Геологи, уул уурхайн шинжээчийн бүрэлдэхүүн нь Оюу толгой төслийн техник эдийн засгийн үндэслэл, нөөц, уул уурхайн эдийн засаг, ашигт малтмалын хайгуул, олборлолт, ашиглалт бусад хамаарах асуудлаар мэргэжлийн дүгнэлт гаргах бөгөөд аудитын хүрээнд дараах ажлыг гүйцэтгэнэ. Үүнд:
- ТЭЗҮ-д тусгаж буй төсөвт өртөг, зураг төсөл өөрчлөгдсөн эсэхийг геологийн нөөц баялгийн ашиглалт, баяжуулах үйлдвэрийн технологийн үйл ажиллагаа, ил уурхайн ашиглалт зэргээс шалтгаалан судалгаанд үндэслэн өөрчлөгдсөн эсэх;
- Ашиглалтын үеийн хайгуулд зарцуулсан хөрөнгө оруулалтын талаар дүгнэлт гаргах;
- Геологийн нөөц баялгийн ашиглалтад дүгнэлт гаргах;
- Ил болон далд уурхайн ашиглалтад дүгнэлт гаргах;
- Баяжуулах үйлдвэрийн технологийн үйл ажиллагаанд дүгнэлт гаргах;
- Баяжуулах үйлдвэрийн үйл ажиллагаанд үнэлэлт өгөх;
1.6. Байгаль орчин, уул уурхайд үзүүлж байгаа шууд болон шууд бус нөлөөллийг тооцох;
1.7. Геологийн төв лаборатори болон Гаалийн лабораторийн, ALS лабораторийн шинжилгээний үр дүнг ашиглан баяжмалд агуулагдах эрдсийн нэр төрлийг үнэн зөв тодорхойлж дүгнэлт гаргах зэрэг болно.
Ажлыг гэрээ байгуулагдсанаас хойш 7 хүртэл сарын хугацаанд хийж гүйцэтгэх ба Оюу толгой төслийн ТЭЗҮ-2010, 2015, 2015х2, одоогийн бодит байдлын хүрээнд төсөлд оруулсан уул уурхайн хөрөнгө оруулалт, санхүүжилт, зарцуулалт түүнтэй холбоотой уул уурхайн мэргэжлийн баримт, материал, нөөц, хөрөнгө оруулалтын төлөвлөгөө, гүйцэтгэл, тайланд үндэслэн холбогдох бусад материалыг хамруулж ажиллана.
Мэдүүлгээ ирүүлж буй зөвлөх шинжээч нь дээрх зөвлөх үйлчилгээг гүйцэтгэхээ илэрхийлсэн албан хүсэлт, зөвлөх үйлчилгээний зорилго, зорилт, хүрэх үр дүнг илэрхийлсэн хөтөлбөр аргачлал бүхий менежментийн төлөвлөгөө боловсруулан ирүүлэхээс гадна дараах материалыг ирүүлнэ. Үүнд:
Хуулийн этгээд бол:
- Улсын бүртгэлийн гэрчилгээний хуулбар;
- Тусгай зөвшөөрлийн гэрчилгээний хуулбар;
- Татварын тодорхойлолт /цахим/;
- Нийгмийн даатгалын тодорхойлолт /цахим/;
- ШШГЕГ-ын хугацаа хэтэрсэн өр төлбөргүй талаарх тодорхойлолт;
- Шүүхийн төрөлжсөн архивын тодорхойлолт;
- Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2018,2019,2020 он/;
- Үндсэн ажилтны анкет, боловсрол, мэргэшлийн гэрчилгээний хуулбар;
- Үндсэн ажилтны нийгмийн даатгалын цахим лавлагаа /сүүлийн 1 жилээр/;
- Сүүлийн 2 жилийн санхүүгийн тайлан аудитын дүгнэлтийн хамт /2019, 2020 оны жилийн эцсийн/.
Хувь хүн/баг/ бол:
- Иргэний үнэмлэхийн хуулбар;
- Анкет /СV/;
- Боловсрол, мэргэшлийн гэрчилгээний хуулбар;
- Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2018,2019,2020 он/;
- Багийн хувьд гишүүдийн хамтран ажиллах гэрээ /нотариатаар баталгаажуулсан/.
/Холбогдох тодорхойлолт нь тухайн сонгон шалгаруулалтыг зарласан цаг хугацаанд байна/
Шинжээчид тавигдах шаардлага:
Геологи, уул, уурхайн шинжээчийн бүрэлдэхүүн уул уурхайн санхүү эдийн засаг, ашигт малтмалын ордын хайгуул, олборлолт, ашиглалт, нөөц, ТЭЗҮ-ийн чиглэлээр зөвлөх үйлчилгээ үзүүлж байсан, тухайн салбарын талаар мэдлэг, дадлага, туршлагатай холбогдох эрх бүхий зөвшөөрөлтэй иргэн баг, хуулийн этгээд байх ба дараах мэргэжил, мэргэшлийн шаардлагыг хангасан багийн бүрэлдэхүүнтэй байна. Үүнд:
- Багаар ажиллах чадвартай, зөвлөх үйлчилгээ үзүүлж байсан туршлагатай;
- Төрийн болон албаны, байгууллагын нууц хадгалах чадамжтай;
- Холбогдох салбарын чиглэлээр сүүлийн 5 жилийн хугацаанд судалгаа, шинжилгээ хийж байсан туршлагатай;
- Уул уурхайн эдийн засагч, ордын нөөц, ашигт малтмалын хайгуул, олборлолт, ашиглалт зэрэг мэргэжлээр бакалавр, магистр болон түүнээс дээш боловсролын зэрэгтэй, англи хэлний ахисан түвшний мэдлэгтэй;
- Геологи, уул уурхайн эдийн засагч, ордын нөөц, ашигт малтмалын хайгуул, олборлолт, ашиглалт мэргэжлээр магистр болон түүнээс дээш боловсролын зэрэгтэй, англи хэлний ахисан түвшний мэдлэгтэй,
- Уул уурхайн эдийн засагч мэргэжлээр 5-аас дээш жил ажилласан, голлох мэргэжлээр 8-аас дээш жил ажилласан туршлага бүхий бүрэлдэхүүнтэй байх;
- Уул уурхайн төслийн хөрөнгө оруулалт, санхүүжилтийн зарцуулалт, үр ашиг, эдийн засгийн үр нөлөө, үр өгөөжийг уул уурхайн мэргэжлийн зүгээс тооцох, үнэлэх талаар мэргэшиж зөвлөх үйлчилгээ үзүүлж чадахуйц, тухайн салбарт ажиллаж ирсэн ажлын дадлага, арга туршлагатай;
- Ил уурхайн үйл ажиллагаа болон гүний уурхайн ТЭЗҮ, техник, технологи, нөөцийн тооцоо, гэрээ хэлцлийн талаар өргөн мэдлэгтэй, хөрөнгө оруулалт, санхүүжилт түүний хэлбэр, зээл, өртөг, төслийн уул уурхайн хөрөнгө оруулалт, санхүүжилт, санхүү эдийн засгийн үр нөлөө, үр өгөөж, үр ашгийн тооцоололд дүгнэлт гаргах чадвартай эрх бүхий иргэн, хуулийн этгээд байна.
- Компьютерын хэрэглээний программ /график, хүснэгт, тооцоолол хийх чадвар/-ыг бүрэн эзэмшсэн. Тухайлбал, Microsoft Exsel, геологи, уул уурхайн мэргэжлийн программ (micromine,surpac, arcgis)-ын ахисан түвшний мэдлэгтэй;
Холбогдох мэргэжлийн хамтын ажиллагааны чиглэлээр олон улсын туршлагатай, судалгаа хийж байсан бол давуу тал болно.
Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болох ба Түншлэлийн гэрээ байгуулан баталгаажуулж ирүүлэх шаардлагатай. /Гэрээнд түншлэлийн төлөөлөх эрх бүхий гишүүн болон түншлэлийн гишүүдийг тодорхойлж, түншлэлийн гишүүд тус бүрийн гүйцэтгэх ажил, үүргийг тусгасан байна/
Жич: Зөвлөхийн мэдүүлэг ирүүлэх этгээд нь уг төслийн санхүүгийн болон бусад баримт бичгийг бэлтгэсэн, хянасан, дүгнэлт гаргасан эсхүл гэрээг хянах зөвлөхөд нэр нь дэвшигдсэн этгээдтэй нэгдмэл сонирхолтой бол санал ирүүлэх боломжгүй болохыг анхаарна уу.
Сонирхсон этгээд нь холбогдох мэдээллийг 2021 оны 03 дугаар сарын 29-ний өдрийн 17 цаг 30 минутаас өмнө авч болох бөгөөд мэдүүлгээ 2021 оны 03 дугаар сарын 30-ны өдрийн 10 цаг 00 минутын дотор ирүүлнэ үү. Хугацаа хоцорсон мэдүүлгийг хүлээн авахгүй болно.
Нэмэлт мэдээллийг авч болох албан тушаалтан: Аудитын гуравдугаар газрын Ахлах аудитор Б.Батчимэг. Утасны дугаар: ажил-261456, гар утас-99900903
Мэдүүлгийг цаасан болон цахим /pdf файл/ хэлбэрээр доорх хаягаар илгээнэ үү. Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш tsend-ayushn@audit.gov.mn. Гар утас: 88051068
Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 04 дүгээр давхар,
Үндэсний Аудитын газар, Утас: 26 35 33, www.audit.mn
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
