2021оны 03 дугаар сарын 23-ны өдөр Улаанбаатар хот
Үндэсний Аудитын газар нь “Барилгын салбарт мөрдөгдөж буй норм, норматив, стандартад шинжилгээ хийж, барилгын салбарт шинэлэг технологи, материал ашиглаж буй эсэх болон эрх зүйн орчныг боловсронгуй болгох чиглэлээр дүгнэлт гаргах, нормчлолын сангийн бүрдүүлэлт, зарцуулалтын үр нөлөөг тодорхойлж дүгнэлт гаргах” зорилгоор шинжээч сонгон шалгаруулж, зөвлөх үйлчилгээний гэрээ байгуулахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдүүлгээ ирүүлэхийг урьж байна.
Энэхүү үйл ажиллагаа нь Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 3 дугаар зүйлийн 3.11.Төрийн аудитын тухай хуульд заасан аудитад шинжээч оролцуулж, зөвлөх үйлчилгээ авах харилцааг энэ хуулиар зохицуулахгүй гэсэн заалт болон Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно
Шинжээч нь дараах үйл ажиллагааг хэрэгжүүлж, дүгнэлт, зөвлөмж боловсруулна. Үүнд:
- Барилгын салбарт мөрдөгдөж буй норм, норматив, стандартад шинжилгээ хийж, шинэлэг технологи, материал ашиглах боломжтой эсэх, өнөөгийн хэрэгцээ шаардлагыг хангаж байгаа эсэхэд дүгнэлт гаргаж, зөвлөмж боловсруулах;
- Барилгын норм, норматив, стандарттай холбоотой эрх зүйн орчныг боловсронгуй болгох чиглэлээр дүгнэлт гаргаж, зөвлөмж боловсруулах;
- Дотоодын үйлдвэрлэлээс хангаж болох барилгын материалын нөөцийн талаар судалгаа, шинжилгээ хийж, дотоодын үйлдвэрлэлийн материалын ашиглалт, чанар байдалд дүгнэлт гаргаж, зөвлөмж боловсруулах;
- Норм, нормативын сангийн бүрдүүлэлт, зарцуулалтын үр нөлөөг тодорхойлж дүгнэлт гарган, зөвлөмж боловсруулах.
Шинжээч нь зөвлөх үйлчилгээг гүйцэтгэхдээ Монгол улсад мөрдөгдөж буй барилгын салбарын норм, норматив, стандарт, эрх зүйн орчинд шинжилгээ хийж, барилгын материалын үйлдвэрлэлтэй холбоотой болон норм, нормативын сангийн бүрдүүлэлт, зарцуулалтыг зохион байгуулж буй байгууллагын үйл ажиллагааг хамруулан, ажлыг гэрээ байгуулснаас хойш хуанлын 30 хоногт багтаан хийж гүйцэтгэнэ.
Мэдүүлгээ ирүүлж буй зөвлөх шинжээч нь дээрх зөвлөх үйлчилгээг гүйцэтгэхээ илэрхийлсэн албан хүсэлт, зөвлөх үйлчилгээний зорилго, зорилт, хүрэх үр дүнг илэрхийлсэн хөтөлбөр аргачлал бүхий менежментийн төлөвлөгөө боловсруулан ирүүлэхээс гадна дараах мэдээллийг ирүүлнэ. Үүнд:
Хуулийн этгээд бол:
-Улсын бүртгэлийн гэрчилгээний хуулбар;
-Тусгай зөвшөөрлийн гэрчилгээний хуулбар;
-Татварын өргүй тухай тодорхойлолт /цахимаас авсан/ ;
-Нийгмийн даатгалын шимтгэлийн өргүй тодорхойлолт /цахимаас авсан/;
-ШШГЕГ-ын өр төлбөргүй талаарх тодорхойлолт;
-Шүүхийн төрөлжсөн архивын тодорхойлолт;
-Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2018,2019,2020 он/;
– Ажилтны анкет, боловсрол, мэргэшлийн гэрчилгээний хуулбар;
– Ажилтны нийгмийн даатгалын цахим лавлагаа /сүүлийн 1 жилээр/;
– Сүүлийн 2 жилийн санхүүгийн тайлан аудитын дүгнэлтийн хамт /2019, 2020 оны жилийн эцсийн/.
Хувь хүн/баг бол:
– Иргэний үнэмлэхийн хуулбар
– Анкет /СV/
– Боловсрол, мэргэшлийн гэрчилгээний хуулбар
– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/
– Багийн хувьд гишүүдийн хамтран ажиллах гэрээ /нотариатаар баталгаажуулсан/.
/Холбогдох тодорхойлолт нь тухайн сонгон шалгаруулалтыг зарласан цаг хугацаанд байх ба өр төлбөргүй байна/
Шинжээчид тавигдах шаардлага, ажлын туршлага:
Багийн ахлагч нь дараах шаардлагыг хангасан байна. Үүнд:
- Тухайн мэргэжлийн чиглэлээр 20-ooс доошгүй жил ажилласан байх;
- Зөвлөх зэрэгтэй бөгөөд тухайн мэргэжлийн магистр, эсхүл түүнээс дээш дээд боловсролын зэрэгтэй байх;
- Мэргэжлийн чиглэлийн 3-аас доошгүй норм, нормативын баримт бичиг боловсруулахад оролцсон байх;
- Мөн мэргэжлийн чиглэлийн 5-аас доошгүй норм, нормативын баримт бичиг хянан тохиолдуулахад оролцсон байх;
- 3-аас доошгүй салбарын дүрэм, журам, норм, нормативын баримт бичигт судалгаа хийж, холбогдох мэргэжлийн зөвлөлөөр хэлэлцүүлж, дүгнэлт гаргуулсан байх;
- Мэргэжлийн чиглэлээр 10-аас доошгүй бүтээл гаргаж, зохиогчоор ажилласан, эсхүл мөн тэр хэмжээний барилгын ажил гүйцэтгэсэн байх.
Бусад ажиллах хүчний шаардлага:
- Барилгын инженер-эдийн засагч мэргэжлээр магистр болон түүнээс дээш боловсролын зэрэгтэй байх;
- Барилгын салбарын зөвлөх, тэргүүлэх мэргэшлийн зэрэгтэй;
– Шинжээч нь тухайн мэргэжлээрээ барилгын салбарт 10-аас дээш жил ажилласан туршлагатай байх;
– Хууль, эрх зүйн мэргэжил давхар эзэмшсэн, барилгын салбарын норм, норматив, стандарт, эрх зүйн орчны талаар судалгаа хийсэн, барилгын зураг төсөл, төсөвт өртгийн тооцоололд дүгнэлт гаргасан туршлагатай бол давуу тал болно.
Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болох ба Түншлэлийн гэрээ байгуулан баталгаажуулж ирүүлэх шаардлагатай. /Гэрээнд түншлэлийн төлөөлөх эрх бүхий гишүүн болон түншлэлийн гишүүдийг тодорхойлж, түншлэлийн гишүүд тус бүрийн гүйцэтгэх ажил, үүргийг тусгасан байна/
Сонирхсон этгээд нь холбогдох мэдээллийг 2021 оны 03 дугаар сарын 30-ны өдрийн 17 цаг 30 минутаас өмнө авч болох бөгөөд мэдүүлгээ 2021 оны 03 дугаар сарын 31-ний өдрийн 11 цаг 00 минутын дотор ирүүлнэ үү. Хугацаа хоцорсон мэдүүлгийг хүлээн авахгүй болно.
Мэдүүлгийг цаасан болон цахим /pdf файл/ хэлбэрээр доорх хаягаар илгээнэ үү.
Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш tsend-ayushn@audit.gov.mn. Гар утас: 88051068
Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3, Засгийн газрын IV байр, 04 дүгээр давхар,
Үндэсний Аудитын газар, Утас: 26 35 33, www.audit.mn
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
