Шинжээч сонгон шалгаруулах зар хүргүүлэх тухай
Үндэсний аудитын газар нь “Эрчим хүчний дамжуулалт, түгээлт, үнэ тарифын зохицуулалт, үр нөлөө”-д хийх гүйцэтгэлийн аудитын хүрээнд “Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах чиглэлээр судалгаа хийж зөвлөх үйлчилгээ үзүүлэх” ажлыг гүйцэтгэн, аудитын багт мэргэжлийн туслалцаа үзүүлж, хамтран ажиллах зорилгоор шинжээч сонгон шалгаруулж, гэрээ байгуулахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдээллээ ирүүлэхийг урьж байна.
Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.
Шинжээч нь Монгол Улсад мөрдөгдөж буй эрчим хүчний салбарын эрх зүйн орчинд дүн шинжилгээ хийж, эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн чиг үүрэг бүхий төрийн байгууллагуудын үйл ажиллагааг хамруулах ба дараахь ажилбаруудыг хэрэгжүүлж, аудитын талбарын болон тайлагналын үе шатны үйл ажиллагаанд шаардлагатай мэргэжлийн, шинжлэх ухааны үндэслэлтэй санал, дүгнэлт гарган, зөвлөмж боловсруулна. Үүнд:
- Монгол Улсын хэмжээнд эрчим хүчний дамжуулалт, түгээлтийн үр ашгийг нэмэгдүүлэх, хууль, эрх зүйн акт, стандарт, норм, норматив нь төрөөс баримтлах бодлогын баримт бичигтэй нийцэж буй эсэх, хэрэгжилт нь өнөөгийн хэрэгцээ шаардлагыг хангаж байгаа эсэх;
- Эрчим хүчний дамжуулалт, түгээлтийн чанар байдал өнөөгийн хэрэгцээ шаардлагыг хангаж байгаа эсэх;
- Эрчим хүч дамжуулалт, түгээлтийн аюулгүй байдлыг хянах чиг үүрэг бүхий төрийн байгууллагуудын бүтэц, зохион байгуулалт, хэрэгжүүлж буй үйл ажиллагааны чиг үүрэг оновчтой эсэх, төрийн байгууллага хоорондын ажлын уялдаа холбоог судалж дүгнэлт боловсруулах;
- Эрчим хүч дамжуулалт, түгээлтийн алдагдлыг хянах тогтолцоонд тулгамдаж буй асуудлуудыг тодорхойлж, нөхцөл байдлын шинжилгээ хийх;
- Олон улсад эрчим хүч дамжуулалт, түгээлтийн алдагдлыг илрүүлэх, хэмжих, шалгуур үзүүлэлтийг тодорхойлдог талаар судалгаа хийж, Монгол Улсын өнөөгийн нөхцөл байдалтай харьцуулан дүн шинжилгээ хийх:
Тус зөвлөх үйлчилгээг 3 хүртэл сарын хугацаанд гүйцэтгэх ба ажлын даалгаварт тусгасан ажлыг чанарын өндөр түвшинд гүйцэтгэж, ажлын үр дүнг илтгэсэн шинжээчийн тайлан бичнэ.Шинжээчийн тайланд судалгааны явцад илэрсэн алдаа зөрчил, тэдгээрийн учир шалтгаан болон үр дагавар, эрсдэлд хийсэн шинжилгээний үр дүнгээс гадна цаашид анхаарах асуудал, авах арга хэмжээний талаар зөвлөмж, саналыг боловсруулж тусгана.
Шинжээчийн тайлан болон хавсралтаар гаргасан судалгаа, тооцоолол, бусад нотлох зүйлс, ажлын баримт материалыг цаасан болон цахим хэлбэрээр гэрээнд заасан хугацаанд аудитын багт хүлээлгэн өгнө.
Мэдээллээ ирүүлж буй зөвлөх шинжээч нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг ирүүлнэ. Үүнд:
Хуулийн этгээд бол:
-Улсын бүртгэлийн гэрчилгээний хуулбар;
-Татварын өргүй тухай тодорхойлолт/;
-Нийгмийн даатгалын шимтгэлийн өргүй тодорхойлолт/;
-Шүүхийн төрөлжсөн архивын тодорхойлолт;
-Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр
/2018,2019,2020 он/;
– Ажилтны анкет, боловсрол, мэргэшлийн гэрчилгээний хуулбар;
– Ажилтны нийгмийн даатгалын цахим лавлагаа /сүүлийн 1 жилээр/;
– Сүүлийн 2 жилийн санхүүгийн тайлан аудитын дүгнэлтийн хамт /2019, 2020 оны
жилийн эцсийн/.
Хувь хүн/баг бол:
– Иргэний үнэмлэхийн хуулбар;
– Анкет /СV/;
– Боловсрол, мэргэшлийн гэрчилгээний хуулбар;
– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;
– Багийн хувьд гишүүдийн хамтран ажиллах гэрээ /нотариатаар баталгаажуулсан/:
Шинжээчид тавигдах шаардлага, ажлын туршлага:
Хуулийн этгээдийн хувьд:
- Зөвлөх үйлчилгээний чиглэлээр ажилласан туршлагатай байх;
- Эрчим хүчний салбарын хууль, дүрэм, журам, норм, нормативын баримт бичигт судалгаа хийж, холбогдох мэргэжлийн дүгнэлт гаргасан туршлагатай байх;
- Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах чиглэлээр судалгаа, эрдэм шинжилгээний ажил хийж дүгнэлт, зөвлөмж гаргасан туршлагатай байх;
- Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах судалгаа, эрдэм шинжилгээний үндсэн чиг үүрэг хэрэгжүүлдэг байх;
- Өөрийн судалгаа, шинжилгээний лабораторитой байвал давуу байдал болно;
- Ажиллах хүчний шаардлага:
- Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах талаар судалгаа хийж, дүн шинжилгээ боловсруулах мэргэжлийн боловсон хүчний нөөцтэй байх;
- Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах болон бусад нарийн мэргэжлийн эрдэм шинжилгээний 2-оос дээш ажилтантай байх;
- Багийн хувьд:
- Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах зөвлөх үйлчилгээний чиглэлээр ажилласан туршлагатай байх;
- Эрчим хүчний салбарын хууль, дүрэм, журам, норм, нормативын баримт бичигт судалгаа хийж, холбогдох мэргэжлийн дүгнэлт гаргуулсан туршлагатай байх;
- Мэргэжлийн англи хэлний зохих түвшний мэдлэгтэй байх;
- Эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах чиглэлээр судалгаа, эрдэм шинжилгээний ажил хийж дүгнэлт, зөвлөмж гаргасан туршлагатай байх;
- Багийн ахлагч болон гишүүд нь эрчим хүч дамжуулалт, түгээлтийн үр ашгийг нэмэгдүүлэх, цахилгаан болон дулаан түгээлтийн алдагдлыг бууруулах чиглэлээр 5 ба түүнээс дээш жил ажилласан болон Эрчим хүчний зөвлөх инженер, Эрчим хүчний зөвлөх эдийн засагч, Эрчим хүчний аудитор, эрдэм шинжилгээний чиглэлээр мэргэшсэн байх;
Сонирхсон этгээд нь холбогдох мэдээллийг 2021 оны 08 дугаар сарын 30-ны өдрийн 17 цаг 30 минутаас өмнө авч болох бөгөөд мэдүүлгээ 2021 оны 08 дугаар сарын 31-ний өдрийн 10 цаг 00 минутын дотор цахим /pdf файл/ хэлбэрээр дараах хаягаар илгээнэ үү.
Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш. tsend-ayushn@audit.gov.mn. Гар утас: 88051068. Хугацаа хоцроосон мэдүүлгийг хүлээн авахгүй болно.
Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3,
Засгийн газрын IV байр, Үндэсний Аудитын газар, Утас: 26 35 33. www.audit.mn
