mn

ЗӨВЛӨХИЙН ҮЙЛЧИЛГЭЭ ҮЗҮҮЛЭХ ХҮСЭЛТЭЙ ХУВЬ ХҮН/БАГ/, ХУУЛИЙН ЭТГЭЭДЭД

Шинжээч сонгон шалгаруулах зар хүргүүлэх тухай

Үндэсний аудитын газар нь “Эрчим хүчний дамжуулалт, түгээлт, үнэ тарифын зохицуулалт, үр нөлөө”-д хийх гүйцэтгэлийн аудитын хүрээнд “Эрчим хүч хэмнэлтийг тарифын бодлогоор дэмжих зохицуулалтын хэрэгжилт, үр нөлөөд судалгаа хийж зөвлөх үйлчилгээ үзүүлэх” ажлыг гүйцэтгэн, аудитын багт мэргэжлийн туслалцаа үзүүлж, хамтран ажиллах зорилгоор шинжээч сонгон шалгаруулж, гэрээ байгуулахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдээллээ ирүүлэхийг урьж байна.

Энэхүү үйл ажиллагаа нь Монгол Улсын Ерөнхий аудиторын 2020 оны А/82 дугаар тушаалын хавсралтаар батлагдсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын хүрээнд хэрэгжих болно.

Шинжээч нь Монгол Улсад мөрдөгдөж буй эрх зүйн орчны хүрээнд эрчим хүчний хэмнэлтийг тарифын бодлогоор дэмжих зохицуулалтын хэрэгжилт, үр нөлөөнд дүн шинжилгээг хийхдээ эрчим хүчний үнэ тариф зохицуулах чиг үүрэг бүхий төрийн байгууллагын үйл ажиллагааг хамруулах ба дараахь ажилбаруудыг хэрэгжүүлж, аудитын талбарын болон тайлагналын үе шатны үйл ажиллагаанд шаардлагатай мэргэжлийн, шинжлэх ухааны үндэслэлтэй санал,  дүгнэлт гарган, зөвлөмж боловсруулна. Үүнд:

  • Эрчим хүчний үнэ тарифын зохицуулалт нь Төрөөс баримтлах бодлогын баримт бичиг болон холбогдох хууль тогтоомжтой нийцэж, хэрэгжилт нь хэрэглэгчийн хэрэгцээ шаардлага,  бага өртгөөр хангах зарчимтай уялдаж  байгаа эсэхийг тодорхойлох;
  • Эрчим хүчний үнэ тариф тооцох арга аргачлал шинэчлэгдсэн эсэх;
  • Эрчим хүчний үнэ тариф тооцож буй зардлуудын норм, норматив шинэчлэгдсэн эсэх:

Тус зөвлөх үйлчилгээг 3 хүртэл сарын хугацаанд гүйцэтгэх ба ажлын даалгаварт тусгасан ажлыг чанарын өндөр түвшинд гүйцэтгэж, ажлын үр дүнг илтгэсэн шинжээчийн тайлан бичнэ.Шинжээчийн тайланд судалгааны явцад илэрсэн алдаа зөрчил, тэдгээрийн учир шалтгаан болон үр дагавар, эрсдэлд хийсэн шинжилгээний үр дүнгээс гадна цаашид анхаарах асуудал, авах арга хэмжээний талаар зөвлөмж, саналыг боловсруулж тусгана.

Шинжээчийн тайлан болон хавсралтаар гаргасан судалгаа, тооцоолол, бусад нотлох зүйлс, ажлын баримт материалыг цаасан болон цахим хэлбэрээр гэрээнд заасан хугацаанд аудитын багт хүлээлгэн өгнө.

Мэдээллээ ирүүлж буй зөвлөх шинжээч нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг ирүүлнэ. Үүнд:

Хуулийн этгээд бол:

  • Зөвлөх үйлчилгээний чиглэлээр ажилласан туршлагатай байх;
  • Эрчим хүчний салбарын хууль, дүрэм, журам, норм, нормативын баримт бичигт судалгаа хийж, холбогдох мэргэжлийн дүгнэлт гаргасан туршлагатай байх;
  • Эрчим хүчний үнэ тариф, хэмнэлтийг тарифын бодлогоор дэмжих зохицуулалтын хэрэгжилт, үр нөлөө чиглэлээр судалгаа, эрдэм шинжилгээний ажил хийж дүгнэлт, зөвлөмж гаргасан туршлагатай байх;

Ажиллах хүчний шаардлага:

  • Эрчим хүчний үнэ тарифын чиглэлээр судалгаа хийж, дүн шинжилгээ боловсруулах мэргэжлийн боловсон хүчний нөөцтэй байх;
  • Эрчим хүчний инженер, эдийн засагч болон бусад нарийн мэргэжлийн эрдэм шинжилгээний 2-оос дээш ажилтантай байх;

Багийн хувьд:

  • Эрчим хүчний хэмнэлт болон үнэ тарифын чиглэлээр зөвлөх үйлчилгээ үзүүлсэн туршлагатай байх;
  • Эрчим хүчний салбарын хууль, дүрэм, журам, норм, норматив, үнэ тарифын зохицуулалт чиглэлээр судалгаа хийж, холбогдох мэргэжлийн зөвлөлөөр хэлэлцүүлж, дүгнэлт гаргуулсан туршлагатай байх;
  • Мэргэжлийн англи хэлний зохих мэдлэгтэй байх;
  • Багийн ахлагч болон гишүүд нь эрчим хүчний салбарт 5 ба түүнээс дээш жил ажилласан болон Эрчим хүчний зөвлөх инженер, Эрчим хүчний зөвлөх эдийн засагч, эрдэм шинжилгээний чиглэлийн нарийн мэргэжил эзэмшсэн байх;

 

Сонирхсон этгээд нь холбогдох мэдээллийг 2021 оны 08 дугаар сарын 30-ны өдрийн 17 цаг 30 минутаас өмнө авч болох бөгөөд мэдүүлгээ 2021 оны 08 дугаар сарын 31-ний өдрийн 10 цаг 00 минутын дотор цахим /pdf файл/ хэлбэрээр дараах хаягаар илгээнэ үү.

Үндэсний аудитын газрын Санхүү, хөрөнгө оруулалтын хэлтсийн Худалдан авах үйл ажиллагаа хариуцсан шинжээч Н.Цэнд-Аюуш. tsend-ayushn@audit.gov.mn. Гар утас: 88051068. Хугацаа хоцроосон мэдүүлгийг хүлээн авахгүй болно.

 

Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3,

Засгийн газрын IV байр, Үндэсний Аудитын газар, Утас: 26 35 33. www.audit.mn

 

Tags: Үндэсний Аудитын Газар

Аудитын тайлан

Их уншсан