Дундговь аймаг дахь Төрийн аудитын газраас “Хүнсний аюулгүй байдлыг хянах өнөөгийн тогтолцоо, төсвөөс зарцуулсан хөрөнгийн үр дүн”-д хийсэн гүйцэтгэлийн аудитын дүн, дүгнэлт, тайлангийн төслийг танилцуулах уулзалт зохион байгууллаа. Уулзалтад аймгийн Засаг дарга Ц.Мөнхбат, Хөрөнгө оруулалт, хөгжлийн бодлого төлөвлөлтийн хэлтсийн дарга Н.Эрдэнэ-Очир, Мэргэжлийн хяналтын газрын лабораторийн чанарын менежер С.Батбаатар, хүнсний чанар стандартын хяналтын улсын байцаагч Н.Болормаа болон ИТХ, Эрүүл мэндийн газар, Хүнс, хөдөө аж ахуйн газрын холбогдох албан тушаалтнууд урилгаар оролцов.