Дархан-Уул аймгийн 2022 оны төсвийн төсөлд дүгнэлд гаргаж, ИТХ-д танилцууллаа

Төрийн аудитын тухай хуулийн 6 дугаар зүйлийн 6.3.2-д заасан бүрэн эрхийн хүрээнд Дархан-Уул аймгийн 2022 оны төсвийн төсөлд дүгнэлт гаргаж аймгийн Засаг даргад хүргүүлж, ИТХ-д танилцууллаа. Монгол Улсын Их Хурлаас Дархан-Уул аймгийн 2022 оны төсвийн орлогыг 10,874.2 сая, зарлагыг 16,977.4 сая төгрөгөөр баталсныг аймгийн Засаг дарга орлогыг 1,918.2 сая, зарлагыг 7,817.2 сая төгрөгөөр өсгөн батлуулахаар ИТХ-д өргөн барьсан байна. Энэ нь 2021 оны тодотгосон төсвөөс орлого 45.1 хувиар буурсан, зарлага 7.0 хувиар өссөн үзүүлэлттэй байна.

Аудитаар орлогыг 440.0 сая төгрөгөөр нэмэгдүүлж, зарлагыг 215.0 сая төгрөгөөр хэмнэх, төсвийн тухай хуулийн 29 дүгээр зүйлийн 29.2, 29.4-д заалттай нийцээгүй буюу зураг, ТЭЗҮ хийгдээгүй 486.7 сая төгрөгийн 3 төсөл арга хэмжээг хасах санал хүргүүлээд байна.