Төрийн аудитын байгууллага удирдах ажилтны зөвлөгөөнөө 2022 оны 03 дугаар сарын 04-ний өдөр цахимаар зохион байгуулав. Зөвлөгөөнд Үндэсний аудитын газрын удирдлагууд болон Аймаг, нийслэл дэх Төрийн аудитын газрын тэргүүлэх аудиторууд оролцож, 2021 онд хийсэн ажлаа дүгнэж, 2022 оны зорилт, бодлого, аудитын сэдэв болон аудитын чанар,үр дүн зэрэг сэдвүүдийн талаар хэлэлцэж, сонсож, амжилт ололт, алдаа дутагдлаа цэгнэн ярилцав.
Төрийн аудитын байгууллага 2022 оныг “Аудитын чанарын хяналтын үр нөлөөг сайжруулах” жил болгон зарласан бөгөөд энэ хүрээнд хийх ажлын төлөвлөгөөг танилцуулж, чанарын хяналтын үр нөлөө, сайжруулалтын талаар онцлов. Мөн төрийн аудитын бодлого, стратеги, статистик мэдээ, үр өгөөжийн бүртгэл, тооцоолол, сургалтын үйл ажиллагаа түүний үр дүнгийн талаар танилцуулгыг Хөгжлийн бодлого, төлөвлөлтийн газраас хийж, нээлттэй санал солилцсон юм.
Төрийн хяналтын байгууллага үүсэж хөгжсөний 100 жилийн ойг тохиолдуулан 2022 оныг “БҮТЭЭЛЧ АЖИЛ”-ын жил болгон зарласан бөгөөд зохион байгуулалтын бүтцийн нэгжүүдэд үйл ажиллагаагаа төлөвлөн удирдах, ҮАГ-ын ажлын хэсэгтэй нэгдсэн удирдлагын дор хамтран ажиллахыг ажлын хэсгээс уриалсан юм.
Монгол Улсын Ерөнхий аудитор Д.Занданбат аудитын чанарын хяналтын үр нөлөөг сайжруулахад аудитор бүрийн оролцоо чухал гэдгийг онцлоод аудитын ажлыг сайжруулахын гол суурь нь төрийн албан хаагчийн сахилга, хариуцлага, ёс зүйтэй шууд холбоотой гэсэн юм. Мөн энэ удаагийн зөвлөгөөнд Аймаг, нийслэл дэх Төрийн аудитын газруудын төлөөллөөс Говь-Алтай, Баянхонгор, Төв аймгийн Төрийн аудитын газрын тэргүүлэх аудиторууд сайн туршлагаа хуваалцсанд талархаж байгаагаа илэрхийлээд цаашид бүх нэгжүүд нийгмийн сэтгэл зүйг мэдэрч, шалгагдагч байгууллагын мэдээллийг нягтлан боловсруулж, алдаа дутагдал гаргахаас урьдчилан сэргийлэх, алдааг залруулахад зөвлөн туслах замаар аудитын чанарыг сайжруулж, хөгжлийн шинэ шатанд гаргаж ажиллах чиглэлийг өгч зөвлөгөөнөө өндөрлөлөө.
Дархан-Уул аймаг дахь Төрийн аудитын газар “Төрөөс бүх нийтийн боловсрол олгож байгаа өнөөгийн байдал, үр дүн”-д хийсэн гүйцэтгэлийн аудит
Дархан-Уул аймаг дахь Төрийн аудитын газар “Төрөөс бүх нийтийн боловсрол…
