Төрийн аудитын байгууллагаас хуульд заасан чиг үүргийн хүрээнд жил бүр төсвийн захирагчдын жилийн төсвийн гүйцэтгэл, санхүүгийн тайланд аудит хийж байна.
Төрийн аудитын тухай хуулийн 6 дугаар зүйлийн 6.3.1, 8 дугаар зүйлийн 8.1, Төсвийн тухай хуулийн 8 дугаар зүйлийн 8.9.1, 8.9.2, 8.9.8 дахь заалтууд, Монгол Улсын Их Хурлын Төсвийн байнгын хорооны 2021 оны 05 дугаар тогтоол, Монгол Улсын Ерөнхий аудиторын 2021 оны А/87 дугаар тушаал, Говьсүмбэр аймаг дахь Төрийн аудитын газрын 2022 оны гүйцэтгэлийн төлөвлөгөөнд тусгагдсаны дагуу ТШЗ, ТТЗ ОНӨҮГ болон ОНӨААТҮГ-ын 2021 оны жилийн төсвийн гүйцэтгэл, санхүүгийн тайланд санхүүгийн тайлангийн аудитыг хуулийн хугацаанд хийж гүйцэтгэлээ
2021 оны санхүүгийн тайлангийн аудитыг нийцлийн аудиттай хослуулан гүйцэтгэж, шалгагдагч байгууллагуудын Шилэн дансны тухай хуулийн хэрэгжилтэд аудит хийлээ.
СТА-д 55 ТШЗ, 11 ОНТС болон ЗГТС, 6 ОНӨААН, 3 ТТЗ нийт 75 байгууллага, санг хамруулсан бөгөөд 58 байгууллагад санал дүгнэлт өгч, 18 байгууллагын санхүүгийн тайлан үе шатны хэсэгчилсэн хяналт шалгалтаар түүвэрт хамруулсан. Дүгнэлт гаргасан 57 байгууллагаас зөрчилгүй 47, хязгаарлалттай 9, сөрөг 1 дүгнэлт өгсөн байна.
СТА-аар нийт 10,269.4 сая төгрөгийн 464 алдаа, зөрчил илэрснээс 3,164.7 сая төгрөгийн 194 алдааг аудитын явцад залруулж, 38.0 сая төгрөгийн 33 төлбөрийн акт тогтоож, 5,082.2 сая төгрөгийн 120 албан шаардлага, 117 зөвлөмж өгсөн байна.
