Төрийн аудитын тухай хуулийн 6 дугаар зүйлийн 6.3.1, 8 дугаар зүйлийн 8.1, Төсвийн тухай хуулийн 8 дугаар зүйлийн 8.9.1, 8.9.2, 8.9.8 дахь заалтууд, Монгол Улсын Их Хурлын Төсвийн байнгын хорооны 2021 оны 05 дугаар тогтоол, Монгол Улсын Ерөнхий аудиторын 2021 оны А/87 дугаар тушаал, Дорноговь аймаг дахь Төрийн аудитын газрын 2022 оны гүйцэтгэлийн төлөвлөгөөнд тусгагдсаны дагуу төсвийн шууд захирагч, төсвийн төвлөрүүлэн захирагч, ТБОНӨААН-ийн 2021 оны жилийн төсвийн гүйцэтгэл, санхүүгийн тайланд санхүүгийн тайлангийн аудитыг хуулийн хугацаанд хийж гүйцэтгэлээ.
Санхүүгийн тайлангийн аудитаар нийт 230 байгууллага, тусгай сангуудыг аудитад хамруулахаас 178 төсвийн шууд захирагч, 9 ТБОНӨААН, 29 тусгай сан, 14 төсвийн төвлөрүүлэн захирагчийн 2021 оны санхүүгийн тайланд аудит хийлээ. Үүнээс 71 хувь буюу 164 тайланг Төрийн аудитын газар, 29 хувь буюу 66 тайланг ХБАК-аар гүйцэтгүүллээ.
Монгол Улсын Ерөнхий аудиторын 2020 оны А/81 дүгээр тушаалаар батлагдсан “Санхүүгийн тайланд аудит хийх хараат бус аудитын этгээдийг сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ыг үндэслэн хараат бус аудитын компанийг сонгон шалгаруулж “Есөн хангай аудит” ХХК, “Эс эм аудит” ХХК-уудтай ажил гүйцэтгэх гэрээ байгуулан ажиллалаа.
Санхүүгийн тайлангийн аудитаар төсвийн шууд захирагчийн 115, төсвийн төвлөрүүлэн захирагчийн 14, төрийн болон орон нутгийн өмчит аж ахуйн нэгжийн 9, нийт 138 санхүүгийн тайланд дүгнэлт гаргаж, төсвийн шууд захирагчийн 63, сангийн 29 тайланд үе шатны ажлыг хэсэгчлэн хийлээ. Аудитаар нийт 123 байгууллагад “Зөрчилгүй”, 13 байгууллагад “Хязгаарлалттай”, 2 байгууллагын санхүүгийн тайланд “Татгалзсан” дүгнэлт өгсөн.
Санхүүгийн тайлангийн аудитаар нийт 41,854.4 сая төгрөгийн 929 алдаа, зөрчил илрүүлснээс аудитын явцад 39,177.1 сая төгрөгийн 391 алдааг залруулж, 120.1 сая төгрөгийн зөрчилд 48 төлбөрийн акт тогтоон, 1,805.1 сая төгрөгийн зөрчилд 219 албан шаардлага, 752.1 сая төгрөгийн зөрчилд 264 зөвлөмж хүргүүллээ. Мөн 7 албан тушаалтанд хариуцлага тооцуулах 7 албан шаардлагыг хүргүүллээ.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
