Архангай аймаг дахь Төрийн аудитын газрын даргын 2021 оны 11 дүгээр сарын 30-ны өдрийн А/38 дугаар тушаалаар “Монгол Улсад Төрийн хяналтын байгууллага үүсэж хөгжсөний түүхт 100 жилийн ой”-г тэмдэглэх хүрээнд Архангай аймаг дахь Төрийн аудитын газраас хэрэгжүүлэх ажлын төлөвлөгөөний 7-д “Төрийн аудит-100” дурсгалын төгөл байгуулах ажлыг 2022 оны 5 дугаар сарын 6-ны өдөр хийж гүйцэтгэлээ. Дурсгалын төгөлийг Эрдэнэбулган сумын 1 дүгээр багт орших “Сарлагтай цэцэрлэг хүрээлэн” дотор зүүн хойд талын 50*15м харьцаатай талбайд 3-5 настай 45ш шар улиас модыг байгууллагын албан хаагчид хамтран тарилаа.
Монгол Улсын Ерөнхийлөгчийн 2021 оны 10 дугаар сарын 04-ны өдрийн 58 дугаар зарлигийн дагуу “Тэрбум мод” тарих үндэсний хөдөлгөөнийг Архангай аймагт 2022 оны 05 дугаар сарын 7-ны өдөр зохион байгуулсан арга хэмжээний хүрээнд аймгийн ЗДТГ-ын байрны баруун хойд талын саадан дотор албан хаагчдын тоогоор 13ш шар улиасыг тарьж, усалгаа хийлээ. Тарьсан модоо тогтмол услаж, арчлах ажлыг шат дараатайгаар зохион байгуулж байгаа ба ирэх намар үлдсэн модоо тарихаар төлөвлөн ажиллаж байна.
