Төрийн хяналтын 100 жилийн ойг угтан зохион байгуулж буй “Харилцагчаа сонсъё” аяны хүрээнд Соёлын салбарын байгууллагуудад 2022 оны 05 дугаар сарын 10-ны өдөр ажиллалаа.
Аянд аймгийн Соёл, урлагийн газрын дарга, салбар байгууллагуудын удирдлага, санхүүгийн ажилтнууд хамрагдлаа.
Тус уулзалтаар Говьсүмбэр аймаг дахь Төрийн аудитын газрын танилцуулга, үйл ажиллагааны талаарх товч тайлан, харилцаа хамтын ажиллагааны талаар хийгдэж буй ажлуудыг танилцуулж, төсөв, санхүүгийн үйл ажиллагаанд тулгамдаж буй асуудал, хүндрэл бэрхшээлийг сонсож, харилцан санал солилцон мэргэжил арга зүйн зөвлөгөө, мэдээлэл өгч ажиллалаа.
Ойн хүрээнд санхүүгийн ажилтнуудад зориулсан өдөр тутмын үйл ажиллагаандаа ашиглаж, хэрэгжүүлэх хууль тогтоомжийн эмхэтгэлийг бэлтгэн гарын авлага болгож тараалаа.
