“НИЙСЛЭЛИЙН ЗАМЫН ХӨДӨЛГӨӨНИЙ БОДЛОГО, ТӨСВИЙН ЗАРЦУУЛАЛТЫН ҮР ДҮН”-Д ХИЙХ ГҮЙЦЭТГЭЛИЙН АУДИТЫН НЭЭЛТИЙГ ХИЙЛЭЭ.

Төрийн аудитын тухай хуулийн 6 дугаар зүйлд заасан бүрэн эрхийн хүрээнд Монгол Улсын Ерөнхий аудиторын 2022 оны А/12 дугаар тушаалаар баталсан “Төрийн аудитын байгууллагын 2022 онд гүйцэтгэх аудитын төлөвлөгөө”-ний дагуу Нийслэл дэх Төрийн аудитын газраас “Нийслэлийн замын хөдөлгөөний бодлого, төсвийн зарцуулалтын дүн”-д хийж буй гүйцэтгэлийн аудитын нээлтийг 2022 оны 9 дүгээр сарын 22-ны өдөр хийлээ.

Аудитын нээлтэд Аудитын 3 дугаар хэлтсийн дарга, аудитын менежер Э.Мөнхмандах, аудитын менежерүүд болон аудитын баг, Нийслэлийн Засаг даргын Тамгын газар, УБ хотын ЗАА, Нийслэлийн Хот байгуулалт, хөгжлийн газар, Нийслэлийн Боловсролын газар, Тээврийн цагдаагийн алба, Нийтийн тээврийн үйлчилгээний газар, Нийслэлийн Газар зохион байгуулалтын алба, Замын хөдөлгөөний удирдлагын төв зэрэг холбогдох газар нэгжийн удирдлага, төлөөллүүд оролцлоо.

Уг аудитаар нийслэлийн замын хөдөлгөөний бодлого, төсвийн зарцуулалтын хяналтын үр дүнг хамруулан хийхээр төлөвлөсөн.