Аудитын төгсгөлийн уулзалтыг зохион байгууллаа.

Архангай аймаг дахь Төрийн аудитын газар нь нэгдсэн төлөвлөгөөт “Халамжийн сангаас хүнс тэжээлийн дэмжлэг туслалцаа олгосон үйлчилгээний хэрэгжилт”-д хийсэн гүйцэтгэлийн аудитын төгсгөлийн уулзалтыг 2022 оны 11 дүгээр сарын 1-ны өдөр зохион байгууллаа. Уулзалтад аймаг дахь Төрийн аудитын газрын дарга, Тэргүүлэх аудитор Т.Байгалмаа, аудитын менежер Д.Нэргүйбаатар, аудитын баг болон УЗ-ын гишүүд, ХХҮГ-ын нийгмийн халамж үйлчилгээний хэлтсийн дарга, хүнс тэжээл хариуцсан мэргэжилтэн нар оролцлоо. Аудитаар нийт 165.2 сая төгрөгийн 11 алдаа зөрчил илэрч 0.2 сая төгрөгөнд 1 төлбөрийн акт тогтоож, 78.7 сая төгрөгөнд  алдаа зөрчлийг давтан гаргахгүй байхад чиглэсэн 20 албан шаардлага, арвилан хэмнэлт, үр ашигтай, үр нөлөөтэй, дотоод хяналтыг сайжруулахад чиглэсэн 86.3 сая төгрөгийн 5 заалт бүхий зөвлөмжийг  аймгийн ХХҮГ-т болон сумдын амьжиргааг дэмжих зөвлөл, ИТХ-д  тус тус хүргүүллээ.  Уулзалтын явцад шалгагдагч байгууллагуудтай аудитын дүн дүгнэлт, явцад гарсан хүндрэл бэрхшээл цаашид анхаарвал зохих шаардлагатай асуудлуудын талаар харилцан ярилцаж, аймгийн хэмжээнд  Хүнс тэжээлийн дэмжлэг туслалцаа олгосон үйлчилгээний хэрэгжилтэд дотоод хяналтыг үр дүнтэй хэрэгжүүлж бодит үр дүнг тооцож ажиллах талаар санал солилцлоо.