Нийслэл дэх Төрийн аудитын газар нь Төсвийн тухай хуулийн 8 дугаар зүйлийн 8.9.1, 8.9.8 дахь заалт, Төрийн аудитын тухай хуулийн 8 дугаар зүйлийн 8.4, 8.7 дахь заалтыг тус тус үндэслэн шалгагдагч этгээдийн 2022 оны санхүүгийн тайлангийн аудитыг гүйцэтгэх зорилгоор аудитын үйл ажиллагаанд гэрээний үндсэн дээр оролцох хуулийн этгээдийг сонгон шалгаруулж, гэрээ байгуулахаар төлөвлөж байгаа тул оролцох хүсэлтэй аудитын хуулийн этгээдийг мэдээллээ ирүүлэхийг урьж байна.
Энэхүү сонгон шалгаруулалт нь нэмэлт 2 багцад хамаарна.
Санхүүгийн тайлангийн аудитыг гэрээний үндсэн дээр гүйцэтгэх аудитын хуулийн этгээд нь Төсвийн шууд захирагчийн болон Төрийн өмчит хуулийн этгээдийн удирдлагын бэлтгэсэн 2022 оны санхүүгийн тайланг УСНББОУС, СТОУС, НББОУС болон тэдгээрт нийцүүлэн эрх бүхий байгууллагаас гаргасан нягтлан бодох бүртгэл, тайлагналын холбогдох заавар, журамд нийцүүлэн үнэн зөв гаргасан эсэх талаар дүгнэлт гаргаж баталгаажуулах ажлыг гүйцэтгэнэ.
Аудитыг Төсвийн тухай хуулийн 8 дугаар зүйлийн 8.9-д заасан цаглабарт хугацаанд багтаан төрийн аудитын байгууллагын хянан удирдах ажилтнуудаар хянуулсан аудитын төлөвлөгөө, хөтөлбөрийн дагуу хэрэгжүүлнэ.
Мэдүүлгээ ирүүлж буй аудитын хуулийн этгээд нь дараах материалыг ирүүлнэ. Үүнд:
- Улсын бүртгэлийн гэрчилгээний хуулбар
- Тусгай зөвшөөрлийн гэрчилгээний хуулбар
- Татварын тодорхойлолт (цахим)
- Нийгмийн даатгалын тодорхойлолт (цахим)
- ШШГЕГ-ын хугацаа хэтэрсэн өр төлбөргүй талаарх тодорхойлолт
- Шүүхийн төрөлжсөн архивын тодорхойлолт
- ММНБИ-ын тодорхойлолт
- Гүйцэтгэсэн адил төсөөтэй зөвлөх үйлчилгээний мэдээлэл (сүүлийн 3 жилээр)
- Үндсэн ажилтны анкет, боловсрол, мэргэшлийн гэрчилгээний хуулбар
- Үндсэн ажилтны нийгмийн даатгалын цахим лавлагаа (сүүлийн 1 жилээр)
- Санхүүгийн тайлан (2020,2021 он)
Сонирхсон этгээд нэмэлт мэдээллийг 2022 оны 11 дүгээр сарын 07-ны өдрийн 17:00 цагаас 2022 оны 11 дүгээр сарын 14-ний өдрийн 16:30 цагийн дотор авч болох бөгөөд материалаа дор дурдсан хаягаар 2022 оны 11 дүгээр сарын 14-ний өдрийн 17 цаг 00 минутын дотор цаасаар болон цахим хаягаар pdf файл хэлбэрээр хэлбэрээр ирүүлнэ үү.
Саналын материалыг ub@audit.gov.mn цахим хаягаар саналын жишиг баримт бичиг худалдан авсан төлбөрийн баримтын хамт ирүүлнэ.
Сонгон шалгаруулалтад оролцох багц тус бүрийн хураамж 50,000 (тавин мянган) төгрөгийг дараах дансанд тушаана.
Банк: Төрийн сан, УБ- аудитын газар
Дансны дугаар: 100200024401
Захиалагчийн хаяг: Монгол Улс, Улаанбаатар хот, Сүхбаатар дүүрэг, 8 дугаар хороо, Амарын гудамж 2, Нийслэлийн Соёлын Төв Өргөө Г корпус, Нийслэл дэх Төрийн аудитын газар
Цахим хаяг: ub@audit.gov.mn
Холбоо барих: Нийслэл дэх Төрийн аудитын газар, 518 тоот өрөө, Ахлах аудитор М.Ундармаа, Утас: +976-9954-9924, +976-7000-7734
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
