Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд “УЛС, ОРОН НУТГИЙН ТӨСВИЙН 2022 ОНЫ ХӨРӨНГӨ ОРУУЛАЛТЫН ТӨЛӨВЛӨГӨӨНИЙ ХЭРЭГЖИЛТ, ҮР ДҮН”-д хийх гүйцэтгэлийн аудитын нээлтийг 2023 оны 02 дугаар сарын 08-ний өдөр зохион байгууллаа.
Аудитын нээлтэд Орхон аймгийн Засаг даргын Тамгын газрын дарга, аймгийн Хөгжлийн бодлого төлөвлөлт, хөрөнгө оруулалтын хэлтсийн дарга, мэргэжилтэн, аймгийн Санхүү, төрийн сангийн хэлтсийн дарга, мэргэжилтэн, Орон нутгийн өмчийн газрын ахлах мэргэжилтэнүүд, аймгийн Газрын харилцаа, барилга, хот байгуулалтын газрын дарга, Хот, байгуулалт, барилга захиалагчийн алба ОНӨААТҮГ-ын дарга болон Орхон аймаг дахь Төрийн аудитын газрын дарга, аудитын менежер, гүйцэтгэлийн аудитын багийн гишүүд оролцлоо.
Аудитыг Орхон аймаг дахь Төрийн аудитын газрын дарга, Тэргүүлэх аудитор Ц.Нармандах нээж аудитын зорилго зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл өглөө.
Аудитыг хөрөнгө оруулалтын төсөл, арга хэмжээг хууль, хөгжлийн бодлогын баримт бичигтэй нийцүүлэн төлөвлөсөн эсэх, хэрэгжүүлэх үйл ажиллагаа хуульд нийцсэн эсэх, орон нутгийн төсвийн хөрөнгө оруулалт үр дүнтэй хэрэгжсэн эсэхэд хариулт өгөх замаар гүйцэтгэнэ.
Аудит 2023 оны 04 дүгээр сарын 19-ны өдөр эцэслэн дуусгах тул улс болон орон нутгийн төсвийн 2022 оны хөрөнгө оруулалттай холбоотой санал хүсэлтийг Орхон аймаг дахь Төрийн аудитын газарт ирүүлэх боломжтой юм.
Тус аудитын нээлтийн үеэр 2022 оны 10 дугаар сард гүйцэтгэсэн “ОРОН НУТГИЙН ХӨРӨНГӨ ОРУУЛАЛТ ХӨГЖЛИЙН БОДЛОГО, ТӨЛӨВЛӨЛТИЙН УРТ БОЛОН ДУНД ХУГАЦААНЫ БОДЛОГЫН БАРИМТ БИЧГҮҮДТЭЙ НИЙЦСЭН ЭСЭХ,ЧАНАР, ҮР ДҮН, ҮР НӨЛӨӨ”(2016-2021 ОН) гүйцэтгэлийн аудитын нэгдсэн тайланд туссан аймгийн иргэдийн Төлөөлөгчдийн Хурал, аймгийн Засаг даргад хүргүүлсэн зөвлөмжийг танилцуулж, анхаарах асуудлыг танилцууллаа.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
