Шинжээчийн сонгон шалгаруулалтад оролцох урилга хүргүүлэх тухай
Үндэсний аудитын газар нь ”Төрийн аудитын байгууллагын 2023 онд гүйцэтгэх аудитад шинжээч ажиллуулах ерөнхий төлөвлөгөө”-нд тусгасан “Үндэсний мөнгөн тэмдэгт-төгрөгийн болон валютын ханшны өөрчлөлтийг тогтворжуулах бодлогын үр нөлөө” сэдэвт аудитын хүрээнд “Мөнгөний бодлого, үндэсний төлбөрийн систем, түүний үйл ажиллагааг удирдан зохион байгуулалт, зохицуулалт, хяналт тавьсан байдалд дүгнэлт гаргах”-д тусгай мэдлэг, ур чадварын үндсэн дээр мэргэжлийн зөвлөх үйлчилгээ үзүүлэх шинжээч ажиллуулах гэж байгаа тул шаардлага хангасан зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг саналаа ирүүлэхийг урьж байна.
Шинжээч нь аудитын төлөвлөгөө, хөтөлбөрийн дагуу ажлын даалгаварт заасан ажлыг журам, АДБОУС болон холбогдох бусад баримт бичигт нийцүүлэн чанартай, арвилан хэмнэлттэй, үр ашигтай, үр нөлөөтэй хэлбэрээр гүйцэтгэх үүрэгтэй бөгөөд ажлын зорилтын хүрээнд Үндэсний аудитын газар, Монгол банк, Сангийн яам, холбогдох байгууллагуудад ажиллаж, аудитын талбарын болон тайлагналын үе шатанд шаардлагатай мэргэжлийн, нотлох баримтаар баталгаажсан үндэслэлтэй санал, дүгнэлт гарган, зөвлөмж боловсруулж, холбогдох баримт бичгийг гэрээ байгуулсан өдрөөс хойш 80 хүртэл хоногийн хугацаанд аудитын багт хүлээлгэн өгнө.
Сонгон шалгаруулалтад оролцохыг сонирхсон хувь хүн/баг/, хуулийн этгээд нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг ирүүлнэ үү. Үүнд:
Хуулийн этгээд бол:
– Улсын бүртгэлийн гэрчилгээний хуулбар;
– Татварын өргүй тухай тодорхойлолт /цахимаас татан авсан/;
– Нийгмийн даатгалын шимтгэлийн өргүй тодорхойлолт/цахимаас татан авсан/;
– Шүүхийн төрөлжсөн архивын тодорхойлолт;
– Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр/2020,2021, 2022 он/;
– Ажилтны анкет, боловсрол, мэргэшлийн гэрчилгээний хуулбар;
– Ажилтны нийгмийн даатгалын цахим лавлагаа /сүүлийн 1 жилээр/;
– Сүүлийн 2 жилийн санхүүгийн тайлан, аудитын дүгнэлтийн хамт /2020, 2021 он/
Хувь хүн/баг бол:
– Иргэний үнэмлэхийн хуулбар;
– Анкет /СV/;
– Боловсрол, мэргэшлийн гэрчилгээний хуулбар;
– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;
– Багийн хувьд гишүүдийн хамтран ажиллах гэрээ /нотариатаар баталгаажуулах/;
– Хувь хүн/иргэн/ дангаараа, эсвэл багаар санал ирүүлж буй тохиолдолд иргэн тус бүр нь шүүхийн шийдвэрээр бусдад төлбөргүй эсэх тодорхойлолтыг /e-mongolia/ хавсарган ирүүлэх:
Сонирхсон этгээд нь ажлын даалгавар, бусад холбогдох мэдээллийг Эндээс татаж авах болон ҮАГ-ын Захиргаа, хууль, эрх зүйн газрын худалдан авах үйл ажиллагаа хариуцсан шинжээч Н.Цэнд-Аюушаас авч болно.
Холбоо барих утасны дугаар: Ажлын-51-261745, гар утас-88051068.
Саналыг файл хэлбэрээр info@audit.gov.mn, tsend-ayushn@audit.gov.mn цахим шуудангаар 2023 оны 03 дугаар сарын 28-ны өдрийн 14 цаг 00 минутаас өмнө ирүүлнэ үү.
Захиалагчийн хаяг: Үндэсний аудитын газар-15160. Улаанбаатар хот. Чингэлтэй дүүрэг, Бага тойруу-3, Засгийн газрын IV байр.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
