Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрхийн хүрээнд “Эрүүл мэндийн даатгал, үр дүнд суурилсан санхүүжилтийн тогтолцоо, үр нөлөө”-д хийх гүйцэтгэлийн аудитын нээлтийг 2023 оны 03 дугаар сарын 16-ны өдөр зохион байгууллаа.
Аудитын нээлтэд Орхон аймгийн Эрүүл мэндийн газар, Нийгмийн даатгалын хэлтэс, Эрүүл мэндийн даатгалын хэлтэс, Бүсийн оношилгоо, эмчилгээний төв, өрхийн эрүүл мэндийн төвүүд болон Орхон аймаг дахь Төрийн аудитын газрын дарга, аудитын менежер, аудитыг гүйцэтгэх багийн гишүүд оролцлоо.
Аудитыг Орхон аймаг дахь Төрийн аудитын газрын дарга, Тэргүүлэх аудитор Ц.Нармандах нээж аудитын зорилго зорилт, хамрах хүрээ, багийн бүрэлдэхүүн болон анхаарах асуудлын талаар мэдээлэл өглөө.
Аудитыг эрүүл мэндийн даатгал, үр дүнд суурилсан санхүүжилтийг үр нөлөөтэй байхаар төлөвлөсөн эсэх, эрүүл мэндийн байгууллагаас даатгуулагчийн эрэлт, шаардлагад нийцсэн эрүүл мэндийн чанартай тусламж, үйлчилгээ үзүүлж байгаа эсэхэд хариулт өгөх замаар гүйцэтгэнэ.
Аудит 2023 оны 05 дугаар сарын 03-ны өдөр эцэслэн дуусгах тул эрүүл мэндийн даатгалтай холбоотой санал хүсэлтийг Орхон аймаг дахь Төрийн аудитын газарт ирүүлэх боломжтой юм.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
