Дорнод аймаг дахь Төрийн аудитын газраас “Малын тоо толгойн албан татварын хуулийн хэрэгжилт, сумын татварын орлого бүрдүүлэлт, зарцуулалт” сэдэвт нийцлийн аудитын нээлтийг онлайнаар хийлээ. Аудитын нээлтэд аймгийн Татвар, Санхүү, Төрийн сан, Статистикийн хэлтсүүд болон 14 сумын ИТХ-ын дарга, Засаг дарга, Санхүүгийн албаны дарга, мэргэжилтнүүд оролцлоо.
Аудитын гүйцэтгэлийн үе шат 2023.05.15-ны өдрөөс 2023.06.10-ны өдрийг дуустал үргэлжилнэ.
Нийцлийн аудитаар Дорнод аймгийн“Малын тоо толгойн албан татварын хуулийн хэрэгжилт, сумын татварын орлого бүрдүүлэлт, зарцуулалт”-д аудит хийж, дүгнэлт, зөвлөмж боловсруулж, дүнг холбогдох байгууллага, албан тушаалтанд танилцуулж, олон нийтэд мэдээлэхэд аудитын зорилт чиглэгдэнэ.
Зорилтыг хангахын тулд дараах чиглэлээр аудитыг гүйцэтгэнэ.
- Малын тоо толгойн албан татварын тухай хууль бусад холбогдох хууль журам, тогтоол шийдвэрүүдтэй нийцэж байгаа эсэх.
- Малын тоо толгойн албан татварын орлогын бүрдүүлэлт, зарцуулалт хууль, журмын дагуу хэрэгжсэн эсэх.
- Малын тоо толгойн албан татварын тухай хуулийн хэрэгжилтэд тавих хяналт үр нөлөөтэй эсэх.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
