Шинжээчээр хамтран ажиллах урилга хүргүүлэх тухай
Үндэсний аудитын газар нь “Улсын төсвөөр санхүүжүүлж хэрэгжүүлэхээр төсвийн хуульд тусгаж, баталсан төсөл, арга хэмжээний төсөвт өртгийн нэмэгдэл зардалд дүгнэлт гаргах” сэдэвт аудитын хүрээнд “Эрчим хүчний барилга байгууламжийн ажлын гүйцэтгэл, төсөвт өртгийн нэмэгдлийн шалтгаан нөхцөлийг тодруулж, хянаж, дүгнэлт гаргах /Ховд, Говь-Алтай аймаг/” зорилгоор шинжээч сонгон шалгаруулж, зөвлөх үйлчилгээний гэрээ байгуулан хамтран ажиллахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг/, хуулийн этгээдийг мэдүүлгээ ирүүлэхийг урьж байна.
Шинжээч нь ҮАГ-АД/2023-02 дугаар ажлын даалгаварт тусгагдсан 3 эрчим хүчний барилга байгууламжийн ажлын гүйцэтгэл, төсөвт өртгийн нэмэгдлийн шалтгаан нөхцөлийг тодруулж, хянаж, дүгнэлт гаргах зөвлөх үйлчилгээг 2023 оны 09 дүгээр сарын 10-ны өдрийг дуустал хугацаанд хэрэгжүүлнэ.
Шинжээч нь барилга байгууламж тус бүрээр дараах ажилбаруудыг гүйцэтгэнэ. Үүнд:
- Барилга, байгууламжийн зураг төсөв нь холбогдох хууль тогтоомж, стандарт, норм, дүрмийн шаардлагыг хангасан эсэхэд дүгнэлт гаргах;
- Барилга байгууламжийн ажлыг магадлал хийгдэж, баталгаажсан зураг төсөл, норм, нормативын баримт бичгийн шаардлагын дагуу гүйцэтгэсэн эсэхэд дүгнэлт гаргах;
- Барилга байгууламжийн төсөвт өртгийн нэмэгдлийг хянаж, магадлалаар баталгаажсан үнийн дүнгээр санхүүжүүлэх боломжтой эсэхийг тогтоох, эсвэл санхүүжүүлэх бодит дүнг тооцоолж, дүгнэлт гаргах;
- Барилга угсралтын ажлын гүйцэтгэл, санхүүжилт болон төсөвт зөрүү илэрсэн тохиолдолд зөрүүг төсвийн программаар тооцоолон тогтоож, дүгнэлт гаргах;
Шинжээч нь Монгол Улсын холбогдох хууль тогтоомжийг үйл ажиллагаандаа мөрдлөг болгон ажлын даалгаварт заасан ажилбаруудыг төсөл, арга хэмжээ бүрээр, чанарын өндөр түвшинд гүйцэтгэж, барилга, байгууламжийн зураг, төсөв, гүйцэтгэл, санхүүжилт, төсөвт өртгийн нэмэгдэл нь холбогдох хууль тогтоомж, дүрэм журам, норм, норматив, стандартын шаардлагуудтай нийцсэн эсэхийг хянаж, гарсан үр дүнг тусгасан мэргэжлийн дүгнэлт бүхий тайланг бэлтгэж, Улсын төсвөөс санхүүжүүлэх боломжтой нэмэлт төсвийн дүнг “Төсвийн тооцооны программ”-аар тооцоолж, гарсан үр дүнг тайланд хавсаргаж, тайланг гэрээнд заасан хугацаанд аудитын багт хүлээлгэн өгнө.
Мэдүүлгээ ирүүлж буй хувь хүн/баг/, хуулийн этгээд нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг ирүүлнэ.
Үүнд: Хуулийн этгээд бол:
– Улсын бүртгэлийн гэрчилгээний хуулбар;
– Татварын өргүй тухай тодорхойлолт /цахимаас татан авсан/;
– Нийгмийн даатгалын шимтгэлийн өргүй тодорхойлолт/цахимаас татан авсан/;
– Шүүхийн төрөлжсөн архивын тодорхойлолт;
– Гүйцэтгэсэн ижил төстэй зөвлөх үйлчилгээний мэдээлэл сүүлийн 3 жилээр /2020,2021, 2022 он/;
– Ажилтны анкет, боловсрол, мэргэшлийн гэрчилгээний хуулбар;
– Ажилтны нийгмийн даатгалын цахим лавлагаа /сүүлийн 1 жилээр/;
– Сүүлийн 2 жилийн санхүүгийн тайлан, аудитын дүгнэлтийн хамт /2021, 2022 он/
Хувь хүн/баг бол:
– Иргэний үнэмлэхийн хуулбар;
– Анкет /СV/;
– Боловсрол, мэргэшлийн гэрчилгээний хуулбар;
– Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/2020, 2021, 2022 он/;
– Шүүхийн шийдвэрээр бусдад төлбөртэй эсэх тодорхойлолтыг е-mongolia цахим сайтаас авч саналд хавсарган ирүүлэх /гишүүн тус бүр/
– Багаар ажиллах бол хамтран ажиллах гэрээ байгуулан нотариатаар баталгаажуулан ирүүлэх /багийн ахлагчийн мэдээллийг тусгайлан ирүүлэх ба гэрээнд багийн ахлагч, гишүүдийн гүйцэтгэх үүрэг, хариуцлагыг нарийвчлан тодорхойлсон байх/
Шинжээч нь барилга, байгууламжийн зураг төсөл, боловсруулах, дүгнэлт гаргах эрх бүхий, төслийн эдийн засгийн үр өгөөж, үр дүнг тооцох, үнэлэх талаар мэргэшсэн, барилга, байгууламжийн зураг төсөл, магадлалын чиглэлээр дүгнэлт гаргаж байсан, ажлын гүйцэтгэл, төсөвт өртгийг хянан, мэргэжлийн түвшинд дүгнэлт гаргаж чадахуйц, шаардлагатай багаж, тоног төхөөрөмжөөр хангагдсан, тухайн салбарт ажиллаж байгаа болон ажлын дадлага туршлагатай, иргэн, хуулийн этгээд /түншлэл байж болно/ байх бөгөөд зөвлөх үйлчилгээг багаар үзүүлнэ. Үүнд:
- Багийн ахлагч нь:
Цахилгааны инженер, Монгол Улсын зөвлөх инженер эсвэл Тэргүүлэх төсөвчин мэргэжлээрээ 10 ба түүнээс дээш жил ажилласан, судалгаа шинжилгээний болон шинжээчийн ажлын туршлагатай байх;
- Багийн гишүүд нь:
Цахилгааны инженер эсвэл мэргэшсэн төсөвчин байх ба мэргэжлээрээ 5 ба түүнээс дээш жил ажилласан, шинжээчийн ажлын туршлагатай байх.
Мэдүүлэг ирүүлж буй шинжээч нь хавсралтад тусгагдсан ажлуудын зураг төсөл, төсөв, ажлын гүйцэтгэлд оролцсон, хянасан, дүгнэлт гаргасан эсхүл гэрээг хянах зөвлөхөд нэр нь дэвшигдсэн этгээдтэй нэгдмэл сонирхолтой бол санал ирүүлэх боломжгүй болохыг анхаарна уу.
Сонирхсон этгээд нь холбогдох мэдээллийг 2023 оны 06 дугаар сарын 26-ны өдрийн 09 цаг 30 минутаас өмнө авч болох бөгөөд мэдүүлгээ 2023 оны 06 дугаар сарын 26-ны өдрийн 10 цаг 00 минутын дотор /tsend-ayushn@audit.gov.mn, info@audit.gov.mn/ цахим хаягаар pdf файл хэлбэрээр ирүүлнэ үү. Хариуцсан ажилтан: Үндэсний аудитын газрын Захиргаа, хууль, эрх зүйн газрын худалдан авах үйл ажиллагаа хариуцсан шинжээч Н.Цэнд-Аюуш. Холбоо барих утасны дугаар: 88051068
Захиалагчийн хаяг: 15160 Улаанбаатар хот, Чингэлтэй дүүрэг, Бага тойруу-3,
Засгийн газрын IV байр, 305 тоот өрөө. Үндэсний Аудитын газар. Утас: 51-261745. www.audit.mn
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
