УВС АЙМАГ ДАХЬ ТӨРИЙН АУДИТЫН ГАЗАР –АУДИТЫН НЭЭЛТ ХИЙЛЭЭ.

Увс аймаг дахь Төрийн аудитын газраас “Хүүхдийн зуслангийн хувьчлал, хууль тогтоомжийн нийцэл”-д хийх нийцлийн аудитын нээлтийг хийлээ.

Аудитын нээлтэд Увс аймаг дахь Төрийн аудитын газрын Дарга, тэргүүлэх аудитор М.Батсуурь, аудитын менежер М.Бат-Амгалан, аудитор Ч.Мөнхтогтох, Т.Золоо, аймгийн ИТХ-ын нарийн бичгийн дарга П.Аюушжав, ЗДТГ-ын Нийгмийн бодлогын хэлтсийн дарга О.Ганбат, Увс аймгийн Төрийн архивын тасгийн дарга Н.Тэсхүү, Гэр бүл, Хүүхэд залуучуудын хөгжлийн газрын мэргэжилтэн н.Батнавч, Орон нутгийн Өмчийн газрын мэргэжилтэн Б.Энхмандал нар оролцлоо.

“Хүүхдийн зуслангийн хувьчлал, хууль тогтоомжийн нийцэл” сэдвээр дараах чиглэлээр аудитыг гүйцэтгэнэ.

– Хүүхдийн зусланг хувьчилсан шийдвэрүүд холбогдох хууль, тогтоомжид

нийцсэн эсэх;

– Хүүхдийн зусланг хувьчлах үйл ажиллагаа холбогдох хууль, тогтоомжийн дагуу

явагдсан эсэх;

– Хувьчилсан шийдвэр, гэрээний биелэлтийг дүгнэж, үр дүнг нь тооцсон эсэх;

Аудитыг 2023.09.26-ны өдрөөс эхлэн гүйцэтгэж 2023.11.10-ны өдөр ҮАГ болон холбогдох байгууллага, албан тушаалтанд тайланг хүргүүлнэ.