Аудитыг Төрийн аудитын тухай хуулийн 6 дугаар зүйлийн 6.3.1-д заасан Төрийн аудитын байгууллагын бүрэн эрх, 11 дүгээр зүйлийн 11.1, 11.5 дахь зүйл, Улсын Их Хурлын Төсвийн байнгын хорооны 2022 оны 09 дүгээр тогтоол, НТАГ-ын 2023 оны “Гүйцэтгэлийн төлөвлөгөө”-г үндэслэн аудитыг нэгдсэн удирдамжаар хийж, тайланг холбогдох байгууллагуудад хүргүүллээ.
Аудитад Нийслэлийн ЗДТГ, Нийслэлийн Хүнс, хөдөө аж ахуйн газар, “Бэлчээрийн менежмент” ОНӨААТҮГ, дүүргүүдийн хүнс хөдөө аж ахуйн хэлтэс, тасаг холбогдох бусад газрууд хамрагдсан.
Уг аудитаар нийслэлд Хөгжлийн банк, Хаан банк, Тариалан эрхлэлтийг дэмжих сан зэргээр дамжуулан санхүүжигдсэн Монгол улсын ЗГ-ын эх үүсвэртэй зээлийн 4 ТАХ, Швейцарын хөгжлийн агентлаг, Канадын АДРА ОУБ, БНСУ-ын КOЙКА ОУБ, Кореан эйр компанийн буцалтгүй тусламжийн хөрөнгөөр хэрэгжүүлсэн 7 ТАХ-ны төлөвлөлт, худалдан авалт, гүйцэтгэл, санхүүжилтийг хамруулж, аудитын дүнд үндэслэн холбогдох байгууллагууд болох нийслэлийн Засаг даргад 1 зөвлөмж, нийслэлийн Хүнс, хөдөө аж ахуйн газарт 2 зөвлөмж хүргүүлээд байна.
ГҮЙЦЭТГЭЛ-НИЙЦЛИЙН АУДИТЫН ХЭЛТЭС
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
