2023.09.28 Алтай хот
Төрийн аудитын байгууллагаас 2023 оныг “Аудитын шийдвэрийн хэрэгжилт, түүний үр нөлөө, ил тод, хариуцлагатай байдлыг сайжруулах” зорилт дэвшүүлэн Монгол Улсын Ерөнхий аудиторын 2023 оны А/05 дугаар тушаалаар баталсан.
Зорилтын хүрээнд өмнөх оны болон 2023 онд хийсэн санхүүгийн тайлангийн аудит, гүйцэтгэл, нийцлийн аудитаар аар Төрийн аудитын байгууллагаас өмнөх онуудад өгсөн зөвлөмж, албан шаардлага, төлбөрийн актын биелэлтийг үнэллээ. Үүнд:
Хүснэгт№1 Өмнөх аудитын шийдвэрийн хэрэгжилт
| д/д | Аудитын нэр | Төлбөрийн акт | Албан шаардлага | Зөвлөмж | ||||||
| тогтоосон | хэрэгжилт | үлдэгдэл | Өгсөн | хэрэгжилт | үлд | Өгсөн | биелэлт | үлд | ||
| 1 | Санхүүгийн тайлангийн аудит | 715.7 | 162.2 | 554.5 | 4,117.8 | 1,485.1 | 2,632.6 | 14.1 | 14.1 | – |
| 2 | Гүйцэтгэлийн аудит | 209.3 | 11.0 | 198.3 | 91,719.6 | 47,267.8 | 60,165.8 | 3,434.4 | 3,280.8 | 153.6 |
| 3 | Нийцлийн аудит | 115.9 | 4.73 | 111.4 | 26.2 | 26.2 | – | |||
| Нийт дүн | 1,040.9 | 178.0 | 872.8 | 95,863.5 | 48,772.9 | 62,812.6 | 3,448.5 | 3,294.9 | 153.6 | |
Эх сурвалж: Төрийн аудитын байгууллагын статистик мэдээ
Өмнөх оны шийдвэрээс 178.0 сая төгрөгийн төлбөрийн актыг төлүүлж төсөвт төвлөрүүлэн, 48,772.9 сая төгрөгийн зөрчлийг арилгаж, 3,294.9 сая төгрөгийн зөвлөмжийг хэрэгжүүлсэн байна. Өмнөх оны аудитын шийдвэрийг 87 хувь хэрэгжүүллээ.
Хүснэгт №2 Тайлант оны аудитын шийдвэр :
| д/д | Аудитын нэр | Төлбөрийн акт | Албан шаардлага | Зөвлөмж | ||||||
| тогтоосон | хэрэгжилт | үлдэгдэл | Өгсөн | хэрэгжилт | үлд | Өгсөн | биелэлт | үлд | ||
| 1 | Санхүүгийн тайлангийн аудит | 1,217.8 | 402.2 | 851.6 | 14,899.2 | 3,925.3 | 10,973.9 | 89.9 | 89.9 | |
| 2 | Гүйцэтгэлийн аудит | 28.1 | 28.1 | 1,335.7 | 1,335.7 | 3,918.7 | 3,918.7 | |||
| 3 | Нийцлийн аудит | – | 950.9 | 950.9 | 2,778.3 | 2,778.3 | ||||
| Нийт дүн | 1,245.9 | 402.2 | 880.4 | 17,185.8 | 3,925.3 | 15,126.9 | 6,786.9 | – | 6,786.9 | |
Эх сурвалж: Төрийн аудитын байгууллагын статистик мэдээ
Тайлант онд хийсэн санхүүгийн тайлангийн аудитаар тогтоосон төлбөрийн актаас 402.2 сая төгрөгийг төсөвт төвлөрүүлж, 3,925.3 сая төгрөгийн зөрчлийг арилгасан байна.
Тайлант онд хийсэн гүйцэтгэл, нийцлийн аудитын шийдвэрийг хэрэгжүүлэх хугацаа болоогүй байна.
Түүнчлэн аудитын шийдвэрийн үр дүн нөлөөг сайжруулах, нийтийн албан тушаалтны хариуцлагатай байдлыг дээшлүүлэх талаар зорилтот арга хэмжээг хэрэгжүүлж байна. Тухайлбал:
- “Төсөвт байгууллага, төрийн болон орон нутгийн өмчит хуулийн этгээдийн газар, барилга, тээврийн хэрэгслийн ашиглалт, үр дүн”-д хийсэн гүйцэтгэлийн аудитаар өгсөн шийдвэрээс 40,444.7 сая төгрөгийн газар, барилгыг нягтлан бодох бүртгэл, санхүүгийн тайланд тайлагнуулсан.
- Засгийн газрын болон орон нутгийн тусгай сангуудын үйл ажиллагаанд 2015 оноос хойш хийсэн аудитаар 6,387.6 сая төгрөгийн зөрчилд төлбөрийн акт тогтоож, 4,702.7 сая төгрөгийг буцаан төлүүлж, 921.0 сая төгрөгийг шүүхийн шийдвэрээр нөхөн төлүүлэх ажиллагаа хийгдэж, 802.3 сая төгрөгийн үлдэгдэлтэй байна. Энэ нь аудитын нийт төлбөрийн актын төлөгдөөгүй үлдэгдлийн 77 хувийг эзэлж байна.
Үүний дагуу Хоршоо хөгжүүлэх сангийн гэрээний хугацаа хэтэрсэн 36 зээлдэгчийн 194.5 сая, Жижиг дунд үйлдвэрлэлийг дэмжих сангийн гэрээний хугацаа хэтэрсэн 1 зээлдэгчийн 56.3 сая, Мал хамгаалах сангийн хугацаа хэтэрсэн 31 зээлдэгчийн 31.5 сая, Тариалан эрхлэгчдийг дэмжих сангийн хугацаа хэтэрсэн 56 зээлдэгчийн 77.9 сая төгрөгийн, УИХ-ын гишүүний багцаас ЖДҮ-ийг дэмжих зорилгоор олгосон зээлээс Шүүхийн шийдвэр гүйцэтгэх газарт ажиллагаа хийгдэж байсан 12 иргэн, хоршоо, аж ахуйн нэгжтэй холбоотой 136.0 сая төгрөгийг төлүүлэх гүйцэтгэх хуудсыг буцаан татаж авсан байсныг нөхөн төлүүлэхээр, 2022 оны санхүүгийн тайлангийн аудитаар Захиргааны ерөнхий хуулийн 103 дугаар зүйлд заасан төрд учирсан хохирлыг нөхөн төлүүлэхээр гарсан шийдвэрийг аймгийн Прокурорын газарт 2023 оны 06 дугаар сарын 15-ны өдөр удирдамжийн дагуу хүргүүллээ. Дээрх хохирлыг нөхөн төлүүлэхээр ажиллагаа хийгдэж байна.
ГОВЬ-АЛТАЙ АЙМАГ ДАХЬ ТӨРИЙН АУДИТЫН ГАЗАР
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
