“Улаангомын дулааны 2 дугаар станц” ТӨХК-ийн 2020,2021,2022 оны үйл ажиллагаанд хийгдсэн гүйцэтгэлийн аудитаар илэрсэн зөрчил.
Тус компани алдагдалтай ажиллаж байгаа шалтгааныг аудитын дүгнэлтээр
-Дээрх 3 жилийн хугацаанд тус байгууллагын гүйцэтгэх захирал 4 удаа, ерөнхий нягтлан бодогч 3 удаа солигдсон нь дотоод хяналт алдагдахад нөлөөлсөн.
-Компанийн үндсэн үйл ажиллагааны орлогыг дутуу төвлөрүүлсэн. Тухайлбал түүврийн аргаар сонгогдсон 32 аж ахуйн нэгжийн 18-д нь дулаан түгээх эзлэхүүнийг зөрүүтэй, хэмжилтийг 50 хувиар нь тооцсон. Дээрх 18 аж ахуйн нэгжээс орох боломжтой байсан орлогыг 1 жилээр тооцож үзвэл 81,4 сая төгрөгийн борлуулалтын орлого олох боломжоо алдсан.
-Төлөөлөн удирдах зөвлөлөөр батлуулсан зардлыг 2020 онд 198,5 сая, 2021 онд 183,0, 2022 онд 305,2 сая төгрөгөөр хэтрүүлсэн.
-Нүүрсний төлбөр тооцоотой холбоотой маргаанаас үүссэн өр төлбөрийн алдангид нийт 155 сая гэх мэтчилэн нийт 218,8 сая төгрөгийн үргүй зардал гаргасан.
-Авлага өр төлбөрийг буруу тайлагнасан, худалдан авах ажиллагааг хууль журмын хүрээнд зохион байгуулаагүй , үндсэн хөрөнгөд тавих хяналт сул зэрэг олон хүчин зүйлээс шалтгаалан тус компани сүүлийн 3 жилд 926,1 сая төгрөгийн алдагдалтай ажилласан байна.
