Монгол Улсын Үндэсний аудитын газар нь байгууллагын манлайллыг нэмэгдүүлэх, менежментийн тогтолцооны чанарын удирдлагыг төлөвшүүлэх, харилцагч талуудын харилцааг бүх түвшинд сайжруулж, үйл ажиллагаандаа байнгын сайжруулалт хийх зорилгоор Чанарын менежментийн тогтолцоо, ISO9001:2015 олон улсын стандартыг үйл ажиллагаандаа нэвтрүүллээ.
Баталгаажуулалтын анхдагч аудитыг олон улсын кодтой монгол аудиторуудаар гүйцэтгүүлж, аудитын тайлан, дүгнэлтийг Франц улсын баталгаажуулалтын байгууллага болох “Афнор” группэд хүргүүлснээр, тус байгууллагаас Үндэсний аудитын газрын менежментийн тогтолцооны стандарт нэвтрүүлэлтийг хүлээн зөвшөөрч, баталгаажуулалтын гэрчилгээг 3 жилээр олгосон юм.
Бүгд Найрамдах Франц улсаас Монгол Улсад суух Элчин сайд, ноён Себастиен Сүрүн Төрийн аудитын байгууллагын “Удирдах ажилтны зөвлөгөөн-2023” арга хэмжээний үеэр Чанарын менежментийн тогтолцоо, ISO9001:2015 стандартын баталгаажуулалтын гэрчилгээг Үндэсний аудитын газарт гардуулан өглөө. Монгол Улсын Ерөнхий аудитор Д.Занданбат гэрчилгээг хүлээн авч буйдаа талархал илэрхийлэн, бий болгосон энэхүү тогтолцоогоо улам сайжруулж ажиллахын зэрэгцээ, хамрах хүрээгээ тэлж, Аймаг, нийслэл дэх Төрийн аудитын газруудад тус стандартыг нэвтрүүлэхийг онцоллоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
