Төрийн аудитын байгууллага Төсвийн тухай хууль, Төрийн аудитын тухай хуульд заасан чиг үүргийн хүрээнд санхүүгийн тайлангийн аудит хийж гүйцэтгэхдээ анхаарах шаардлагатай асуудлуудаар цуврал сургалт зохион байгуулж байна. Тус сургалтын хүрээнд 2024.01.18-ны өдөр “Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн шинэчилсэн найруулга, анхаарах асуудал” сэдвээр ээлжит сургалтаа танхим болон цахим хослуулан зохион байгууллаа.
Сургалтыг Санхүү-нийцлийн аудитын газрын дарга, тэргүүлэх аудитор Ц.Наранчимэг нээж, санхүүгийн тайлангийн аудитаар худалдан авах ажиллагаанд байгууллага бүрд залилантай холбоотой эрсдэлийг тооцож үзэх бодлого чиглэлийг баримталж ажилладаг тул нэг ойлголтод хүрэх, мэдээлэл авах нь чухал хэмээн энэхүү сургалтын ач холбогдлыг онцоллоо.
Төрийн худалдан авах ажиллагааны газрын дарга Ц.Батзул Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн шинэчилсэн найруулгын талаар мэдээлэл өгч, түгээмэл тохиолддог асуудалд хариулт өгөв.
Үндэсний аудитын газрын Санхүү-нийцлийн аудитын газрын аудиторууд танхимаар оролцож, аймаг, нийслэл дэх Төрийн аудитын газрын аудиторууд болон хувийн аудитын компанийн аудиторууд цахимаар холбогдож сургалтад хамрагдлаа.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
