Үндэсний аудитын газар Монголбанк хооронд хамтын ажиллагааны санамж бичиг байгуулж, 2024 оны 1 дүгээр сарын 22-ны өдөр Монгол Улсын Ерөнхий аудиторын албан үүргийг түр орлон гүйцэтгэгч Д.Загджав, Монголбанкны Ерөнхийлөгч Б.Лхагвасүрэн нар гарын үсэг зурж, баталгаажууллаа.
Үндэсний аудитын газар Монголбанк хоорондын хамтын ажиллагааны санамж бичиг байгуулснаар
– Монгол Улсын эдийн засгийн болон санхүүгийн тогтвортой байдлыг хангахад дэмжлэг үзүүлэх чиглэлээр зохион байгуулагдах ажил, үйл ажиллагааг харилцан дэмжиж хамтран ажиллах;
– Аудитад шаардлагатай мэдээлэл, баримт бичгийн хууль тогтоомжийн хүрээнд Монголбанкнаас гаргуулах, мэдээлэл солилцох, уулзалт зохион байгуулах;
– Хамтарсан сургалт, хэлэлцүүлэг зохион байгуулах зэргээр хамтын ажиллагааг тодорхойлж байгаа юм.
Санамж бичигт гарын үсэг зурах ёслолын ажиллагаанд Үндэсний аудитын газраас Тамгын дарга, тэргүүлэх аудитор С.Цэрэнбаяр, Захиргаа, хууль, эрх зүйн газрын дарга С.Батбямба, Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол, Аудитын нэгдсэн удирдлага, зохицуулалтын газрын захирал, тэргүүлэх аудитор Я.Самбууням, Санхүү-нийцлийн аудитын газрын захирал, тэргүүлэх аудитор Ц.Наранчимэг нар, Монголбанкнаас Удирдлага төлөвлөлтийн газрын захирал Ж.Батхуяг, Дотоод аудитын газрын захирал А.Шижирмаа нар байлцлаа.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
