Сар шинийн баярыг тохиолдуулан Монгол Улсын Ерөнхийлөгчийн 2024 оны 2 дугаар сарын 1-ний өдрийн 13 дугаар зарлигаар Төрийн аудитын байгууллагын зарим албан хаагчид төрийн дээд одон, медаль хүртсэнийг Монгол Улсын Их Хурлын гишүүн, Төсвийн байнгын хорооны дарга Г.Тэмүүлэн, Монгол Улсын Ерөнхий аудиторын албан үүргийг түр орлон гүйцэтгэгч Д.Загджав нар гардуулан өгч, ажлын амжилт хүсэн ерөөлөө.
“Хөдөлмөрийн гавьяаны улаан тугийн одон” -гоор Үндэсний аудитын газрын Санхүү-нийцлийн аудитын газрын ахлах аудитор Б.Долгоржав, “Алтангадас одон”-гоор Нийслэл дэх Төрийн аудитын газрын аудитор Д.Нарантуяа, “Хөдөлмөрийн хүндэт медаль”-аар Үндэсний аудитын газрын Санхүү-нийцлийн аудитын газрын аудитын менежер Д.Отгонбаяр, тус газрын ахлах аудитор Т.Мягмаржав, ахлах аудитор Д.Болор-Эрдэнэ, ахлах аудитор Ш.Наран, Нийслэл дэх Төрийн аудитын газрын ахлах аудитор Ё.Лхагвадулам, Г.Долгорсүрэн, Н.Бадамхатан нарыг шагнасан юм.
Монгол Улсын Ерөнхийлөгчийн 2024 оны 2 дугаар сарын 1-ний өдрийн 13 дугаар зарлигаар Төрийн аудитын байгууллагын хэмжээнд нийт 24 албан хаагчид төрийн дээд шагнал хүртээсэн байна.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
