2024 оны 2 дугаар сарын 20-ны өдөр зохион байгуулагдсан Аудитын дээд байгууллагуудын Азийн байгууллага (АСОСАИ)-ын бүс нутгийн болон орон нутгийн ажлын хэсгийг байгуулах урьдчилсан судалгааг хийх Тусгай хорооны анхдугаар цахим хуралд Монгол Улсын Үндэсний аудитын газрын төлөөлөл оролцож, тусгай хорооны гүйцэтгэх ажлын удирдамж болон урьдчилсан судалгааны асуумжийг хэлэлцэж, санал солилцлоо.
Тусгай хороо нь АСОСАИ-н бүс нутаг болон орон нутгийн аудитын ажлын хэсгийг байгуулах урьдчилсан судалгааг хийж, судалгааны үр дүнг найдвартай эх сурвалжид үндэслэн АСОСАИ-н Удирдах зөвлөлд тайлагнах зорилготой юм. Энэхүү судалгаа нь Ази дахь бүс нутаг болон орон нутгийн аудитын шинж чанаруудад болон алслагдмал газар төрийн аудитыг зохион байгуулах, гүйцэтгэхэд тулгарч буй бэрхшээлүүдэд дүн шинжилгээ хийнэ. Судалгааны үр дүнд санал болгож буй ажлын хэсгийн зорилтууд болон анхаарах чиглэлийг тодорхойлох болно.
ОХУ-ын Тооцооны танхим Тусгай хорооны даргаар, Хятад, Энэтхэг, Индонез, Иран, Казахстан, Киргизстан, Малайз, Монгол, Пакистан, Филиппин, Саудын Араб, Тажикстан болон Тайландын Аудитын дээд байгууллага (АДБ)-ууд гишүүнээр, Япон Улсын АДБ ажиглагчаар ажиллах юм.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
