Үндэсний аудитын газарт хэрэгжүүлж буй Европын холбооны санхүүжилттэй “Монгол Улсад Тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслийн хүрээнд Үндэсний аудитын газарт 2024 оны 2 дугаар сарын 23-ны өдөр сургалт, хэлэлцүүлэг зохион байгууллаа.
Монгол Улсын Их хурлын сонгуульд нэр дэвшигч нам, эвсэл, бие даан нэр дэвшигчийн сонгуулийн мөрийн хөтөлбөрийг үр дүнд чиглүүлэх, сонгуулийн мөрийн хөтөлбөрийн аудитад зөвлөмж өгөх зорилгоор доктор, дэд профессор, төслийн зөвлөх М.Эрдэнэбаяр “Үр дүнд чиглэсэн сонгуулийн мөрийн хөтөлбөр” сэдвээр мэдээлэл өгч, хэлэлцүүлэг явууллаа. Мөн НҮБ-ын Хөгжлийн хөтөлбөрийн төслийн зөвлөх Б.Сэргэлэн “Сонгуулийн мөрийн хөтөлбөрийн аудитын арга зүйн зөвлөмж” сэдвээр мэдээлэл өгч, хэлэлцүүлэг өрнүүлсэн юм.
Монгол Улсын Их Хурлын ээлжит сонгуульд оролцох улс төрийн нам, эвсэл болон бие даан нэр дэвшигчийн сонгуулийн мөрийн хөтөлбөрт аудит гүйцэтгэх ажлын хэсгийн бүрэлдэхүүн тус сургалт, хэлэлцүүлэгт оролцлоо.
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
