Төрийн аудитын байгууллагын албан хаагчдын мэдлэг, чадвар, хандлагыг дээшлүүлэх, аудитын үйл ажиллагаанд тулгарч буй сорилт бэрхшээлийг даван туулахад бодлого, чиглэлээр ханган дэмжлэг үзүүлэх зорилгоор “Нэгдсэн сургалт-2024” арга хэмжээг зохион байгуулж, эхний сургалтдаа Дорноговь аймаг дахь Төрийн аудитын газрын албан хаагчдыг хамрууллаа.
“Нэгдсэн сургалт-2024” арга хэмжээг Үндэсний аудитын газрын Хөгжлийн бодлого, төлөвлөлтийн газрын захирал, тэргүүлэх аудитор Б.Бундхорол нээж үг хэлж, “Төрийн аудитын байгууллагын хөгжлийн чиг хандлага, бодлогын хэрэгжилт, үр дүн” сэдвээр илтгэл танилцуулав.
Мөн Үндэсний аудитын газрын Гүйцэтгэл-нийцлийн аудитын газрын захирал, тэргүүлэх аудитор Д.Энхболд “Гүйцэтгэлийн аудит хийхэд анхаарах асуудал, аудитын баримтжуулалт, олон улсын туршлага, бодлогын хэрэгжилтэд аудит хийхэд баримтлах зарчим” сэдвээр, Чанарын баталгаажуулалтын газрын дарга, тэргүүлэх аудитор Ж.Батсайхан “Төрийн аудитын байгууллагын чанарын удирдлагын тогтолцоо, түүний хөгжил төлөвшил, цаашдын чиг хандлага” сэдвээр тус тус илтгэл тавьсан юм.
Түүнчлэн Хөгжлийн бодлого, төлөвлөлтийн газрын аудитын арга зүй хариуцсан менежерүүд ИНТОСАИ, Аудитын дээд байгууллагуудын орчин үеийн хөгжлийн чиг хандлага, Сонгуулийн тухай хууль, тогтоомж, Зөвлөмж боловсруулах аргачлал, Харилцагч талуудад зориулсан хураангуй тайлан бэлтгэх аргачлал зэрэг сэдвүүдээр арга зүйн дэмжлэг үзүүлж, сонирхсон асуултад нь хариулт өглөө.
Тус “Нэгдсэн сургалт-2024” арга хэмжээнд Дорноговь аймаг дахь Төрийн аудитын газрын нийт албан хаагчид хамрагдлаа.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
