Дашзэвэгийн ЦЭРЭНДОРЖ
/1963-2024/
Үндэсний аудитын газрын ахмад ажилтан Дашзэвэгийн Цэрэндорж 2024 оны 2 дугаар сарын 24-ний өдөр өвчний улмаас таалал төгссөнд талийгаачийн гэр бүл, үр хүүхдүүд, төрөл төрөгсдөд нь гүн эмгэнэл илэрхийлье.
Д.Цэрэндорж нь 1963 онд Өвөрхангай аймгийн Арвайхээр суманд төрж, 1981 онд Өвөрхангай аймгийн 10 жилийн сургууль, 1985 онд Монгол Улсын Их сургуулийг Статистикч-эдийн засагч мэргэжлээр, 2004 онд Шинжлэх ухаан, технологийн их сургуулийг “Бизнесийн удирдлагын магистр”-аар тус тус суралцан төгссөн.
Тэрээр Өвөрхангай аймгийн Ардын депутатуудын хурлын гүйцэтгэх захиргаанаас ажлын гараагаа эхэлж, 1989-1991 онд Өвөрхангай аймгийн Материал техникийн хангамжийг удирдах газарт Санхүү эрхэлсэн орлогч дарга, 1991-2000 онд Өвөрхангай аймгийн Эрчим хүчний нэгдсэн үйлдвэрт Ерөнхий нягтлан бодогч, эдийн засагч, 2000-2007 онд “Очирт Аудит” ХХК-д захирлаар, 2007-2009 онд ИНЕГ-ын харьяа Өвөрхангай нисэх буудалд нягтлан бодогч, 2009-2023 онд Үндэсний аудитын газарт аудитор, ахлах аудитор, аудитын менежерээр тус тус ажиллаж Төрийн байгууллагад тогтвор суурьшилтай, тасралтгүй 38 жил ажилласан юм.
Түүний төр, нийгэмд оруулсан хувь нэмэр, хөдөлмөр, зүтгэлийг төр засгаас өндрөөр үнэлж Хөдөлмөрийн гавьяаны улаан тугийн одон, Алтан гадас одон, Санхүү, банкны тэргүүний ажилтан, Бүртгэл статистикийн тэргүүний ажилтан, Төрийн хяналтын тэргүүний ажилтан, Төрийн албаны тэргүүний ажилтан, Нягтлан бодох бүртгэлийн тэргүүний ажилтан цол тэмдгүүд, ойн медалиудаар тус тус шагнасан байна.
Талийгаачийн хөдөлмөрч, хичээнгүй, нөхөрсөг, даруу төлөв, хүнлэг зан чанар нь бидний сэтгэл зүрхэнд үүрд хоногшин үлдэх болно.
Үндэсний аудитын газар
Алсын хараа
АЛСЫН ХАРАА Монгол Улсын хөгжлийн бодлого, зорилтуудыг хэрэгжүүлэхэд чиглэсэн эдийн…
